ياعيون(ن) من الفرقاء تهل الدموع=من يلومك على الغالي تهلينها
إنتحوبه بعيد وتحترين الرجوع=يم ناس(ن) لغتهم ما تعرفينها
انتحو بالحبيب والمحبه تلوع=ديرة الترف عقب الترف يا شينها
من عرض له خيالك، في منامه يفوع=وإن صحى قال راح القلب، في يدينها
نظرة بالنواعس منك تقتل جموع=خوفي الله ذنوبي لا تشيلينها
لك سهوم(ن) تصيب القلب وسط الضلوع=من مفاتن جمالك يوم تبدينها
النحر مثل بدر(ن) تم ثاني اسبوع=والجدايل لحافك يوم تضفينها
قلبي اللي لحب البيض عقبك قنوع=مير عودي جروحي لا تزيدينها


وسلامتكم ..

المشاركة الأصلية كتبت بواسطة مواعيـ سراب ـدك (المشاركة 427458) من عرض له خيالك، في منامـه يفـوعوإن صحى قال راح القلب، في يدينهـا صح لسانك يمسند على القصيده الغزله الجزله يعطيك الف عافيه .. وبنتظار كل جديد منك

الله ..الله صح لسانك يا عميد شعراء منتديات الموازين وقصيدة غزلية جزلة وراقيه وجمالها في صفاء معانيها من بعض الشوائب على الشعر الغزلي البرئ ..

دائماً مبدع يا أبو نافع

النحر مثل بدر(ن) تم ثاني اسبوع=والجدايل لحافك يوم تضفينها

صح لسانك يابو نافع وصح قلبك
ابيات غايه في الروعه والجمال

المشاركة الأصلية كتبت بواسطة الخافي اعظم (المشاركة 427470) صح لسانك اخوي مسند يعطيك العافية على الابيات الجميلة

المشاركة الأصلية كتبت بواسطة عنود الصيد (المشاركة 427472) صح لسانك اخوي مسند ابيات جميلة