يا صغيره يم العيون الوسيعه=رمشك حدب يا عقربي الحجاجيين
لو كل من يأمر علينا نطيعه=نبلش مع العقيل قبل المجانين
الله خلقك ابداع جلا صنيعه=خلاك فتنة للغلابا المساكين
لو مربك مفتي الديار الشسيعه=وشافك بعينه عقب سلهامة العين
يمكن يطيع بليس ويذب ريعه=ويرقى على سلم طريق المحبين
أوي حال اهل الرجاء والقطيعه=أوي حال ألي لشوفك شفوقين
الله واكبر لك حصون ٍ منيعه=ابوك ولا اخوك ما جرب الدين
ابوك يملك في المصارف وديعه=يمشي مع ألي لعبهم بالملايين
وخوك فيه من الشويب طبيعه=جمع الدراهم شوفهم عنك لأهين
مع الخدم تمشي ودنياك ضيعه=ما تابعوك وعنك ماهم بدارين
يا مترفه وبحق حامي الشريعه=ربي وعقبه حق عمى وياسين
الود عفنا الود عفنا ربيعه=شبنا وتبنا ولتفتنا على الدين
خلاص قلنا للمحبة قطيعه=غلطاتنا واجد وصرنا مُدانين
العام نشري ودكم ما نبيعه=العام وقت ٍ فات ما هو ها الحين
لا تسلهمين برمش عين ٍ وسيعه=ولا تضحكي يا عقربية حجاجيين

المشاركة الأصلية كتبت بواسطة ملكة القوافي (المشاركة 431279) صح لسانك أخوي متعب المينيح

اختي لاهنتي على المرور العذب



صح بدنك



كل الود والتقدير

المشاركة الأصلية كتبت بواسطة الذكريات (المشاركة 431293) صح لسانك أخوي متعب المينيح

الذكريات هلا بك ولاهنت على المرور العذب



كل الود وجله

المشاركة الأصلية كتبت بواسطة مواعيـ سراب ـدك (المشاركة 431307) صح لسانك اخوي متعب ويعطيك الف عافيه

هل بك اخي الكريم لاهنت على المرور العذب




صح بدنك




ودي وتقديري