يانفس لاتشكين من كثر المشاوير الطوال=لولا المشاويرالطوال يطول همي وتعبي
ليادقت هجوسي وجاء للهم فالصدرإجتوال=وجلست احسّب وش ماآباء ووقفت احسّب ويش آبي
شديت للممشى حبال العزم واسلاك الوصال=بس المهم اني ليا روحت حققت طلبي
على امريكي(ن)ماصاغ سرندله ظنوة حلال=جميع مافيهEnglishمافيه لو حرف إعربي
الفورد رافع مقدمه سمح القبال=كنه يقول أرّحب للسواقه مشبب ياصبي
لياأشتغل كنه يقول لسايقه هات الريال=وليا كبس له تمتمت كاهن فقيراً مغربي
ماوالله أزين مشيته متنحره غيمة خيال=يسيّل الشعبان والضلعان يقباها قبي
ريح الثرى ياصلك قبل الوبل والحايه شمال=والبرق يشخط فالمزون اللي مثل برق العبي
وقام يتخابط فوق كبوته كبر عين الغزال=وبل السحاب اللي يجي وقعه كبر عين الظبي
ينزاح عن صدري هموم وضيقة(ن)كبر الجبال=مصايب(ن)لوجت على عقل الذكي يصبح غبي
كنيتها فالصدر لاينقال عني ويش قال=وأخفيتها عن خيرة أصحابي ماهو بالآجنبي
من لاتحمل شيل سره كيف يشتال الثقال=ومن لاتزهب من زهاب الصبر ماله مزهبي
هذا وأنا ماني مدور لي على شي(ن)محال=أمشي على كيفي وتصريفي وأدور مطلبي
ليا بدالي لازم(ن)كنه يقول أقبل تعال=وأجي مجي الذهبي لكن ماأضيع مذهبي
ماني مثل ناس(ن)يطشون العمامه والعقال=يهزهم صوت الكمنجه والطبل والمطربي
أهل الوجيه اللي تميل مع الطمع من حيث مال=ياهبي ياهاك الوجيه المدلهمه واعقبي

المشاركة الأصلية كتبت بواسطة أبن مصاول (المشاركة 432640) الله..الله..الله ما شاء الله لقد أطربنا عزيز أيما طرب وجعلنا نحلق في فضآت الشعر الجزل , صح لسانه فمثل هذا الشاعر هو من يستحق ان يقرأ شعره. نشكرك اخي فائز على نقل هذا الإبداع المتواصل وعلى ذائقتك الرفيعة في نقل أجزل الشعر الى منتدياتنا , فنحن نبحث عن هذه النوعية الرفيعة من الأشعار ولا نحبذ كمية بلا نوعيه وتستاهل وسام الشاعر المتميز:049:

المشاركة الأصلية كتبت بواسطة عنود الصيد (المشاركة 433336) صح لسانك اخوي فايز ومشكور على مانقلتة ومبرووك الوسام وتستاهل

المشاركة الأصلية كتبت بواسطة كل المواعيد وهم (المشاركة 433304) صح لسانك اخوي فائز

المشاركة الأصلية كتبت بواسطة مواعيـ سراب ـدك (المشاركة 432910) صح لسانك اخوي فايز الشيب وبيض الله وجهك على هالقصيده ومبروك على الوسام والله يوفقك وبنتظار كل جديد منك قادم