يازين لا تحسبني بالهوا ناسي = من كثر ما انشد واحلل مجمل اخبارك
اصبحت ما كني الا محلل اسياسي = ينقل صدى صوت شعبٍ ( يشجب مبارك )
والله يلو ماني بخايف على راسي = لخبّرك في غلاك ونص مشوارك
نبقى كذا دامنا في وضع حساسي = عذري معي وانت ليه تقدّم اعذارك ؟
لاصار لك فالمحبه مركزٍ راسي = ( حبك مطر ) منبتٍ في قلبي أزهارك
وانفاس روحك ليا غنيت نسناسي = هذا وانا ما بعد ( بيّنت مقدارك )
من كثر حبيلك موسوس بوسواسي = عانه موسوس يردد ( نعنبو دارك )
حتى كسر خاطري ثم جيته مواسي = قلت انت بالله وش اللي مولعٍ نارك ؟
قال اشهد ان الهوا يا عاشقه قاسي = وانا اشهد انك صبرت وتكتم اسرارك
حتى اللعين اعترف ثم قال لا باسي = وانته لهالحين ما لديت بأنظارك
( أشغلتني عن ربوعي ) ( وأرحلو ناسي ) = يالوح قلبي على دقات مسمارك
اسمح لي اسألك ! قبل اطيح متواسي = هلل ممكن أنك معاي تغيّر إشعارك ؟؟