راح البراد ولا بقا الا تواليه=والطير قفى عنه وقت الهدادي
وراع الولع قامت تكاثر طواريه=وقام يتذكر له علوم(ن) بعادي
]قام يتذكر فالقنص يوم يدعيه=والا على الجره خويه ينادي
ياشين فرقا الطير إن كان تغليه=يربط ثمان شهور وتقول غادي
ويعد صقاره لتمت مواسيه=وليا جهز والريش كله جدادي
والوسم قالوا تونا في حراويه=توه من المنشا بداء له بوادي
وقالوا نشوف البرق سبحان منشيه=وشدو قطين العد يم المنآدي
والليل طال وشبت النار تحليه=وأول وحش مطروح يم الحمادي

المشاركة الأصلية كتبت بواسطة مواعيـ سراب ـدك (المشاركة 433396) صح لسانك يابو مازن وبيض الله وجهك على القصيده الجزله وانت دايما راعي جزلات عساك على القوه ياربي يعطيك الف عافيه .. وبنتظار كل جديد منك

المشاركة الأصلية كتبت بواسطة أبن مصاول (المشاركة 433401) صح لسانك ي أبو نافع والله يلوم اللي يلومك في الطير وبالأمس بدأ موسم القنص وهداد الطير واليوم هاهو يقترب فصل الصيف وتنتهي وناسة ينتظرها القناصون في جميع انحاء المملكه من عام الى عام..وكل عام وانت بخير والصقر بخير وربعك الصقاره بألف خير وعافيه

المشاركة الأصلية كتبت بواسطة ملكة القوافي (المشاركة 433402) صح لسانك أخوي مسند مازن الزحزوح