رقيته سلمّ افكاري وعانقت الفكر بحسان=وحانت ساعة الهامي وزار القلب مضنونه
تخيّلت الوصوف اللي ابد ماتجتمع بنسان=ملاك إزدان بوصوفن سحرها زاد بفنونه
ابيه الفارس الماهر يروض مُهرته بلحان=ترانيمه تهيضها على قيفان موزونه
يدينه غيمتن تِغرق همايلها وُطى الوديان=صقر حوران وسهومه تجيب الصيده مرهونه
ابي في نظرته حدّه يغار بقربه الشيهان=وسبابة يمينه سيف به احكام مسنونه
ابيه الراسي وترجح بعقله كفة الميزان=ومجنوني اذا لاقت عيونه عيني مجنونه
ابيه الغامض يزعزع بفكره صافي الاذهان=وابيه الواضح بنظره يترجم كل مضمونه
ابي لو جيت له بسمه يجيني خاضعن منْصان=حنون إن جيت له ونه يطببني على هونه
أصيل وساكن بأصله فروع مشجرات حسان=سلوم رجال وافعاله ببيض وجوه مقرونه
يشد برخوة ايامي ويرخي إن شدت الأزمان=بحر هايج بأعماقه جواهر عشق مخزونه
شاعر نسْج قِيفانه ترتيلن هواها زان=مثل عنتر تراتيله بدور النشر مسكونه
طموحي وراس امالي الاقي بالبشر إنسان=اعيش بخافقه دُرّه بوسط ِالقلب مكنونه
وإذا كان البشر سجنن يقيّد فرحتي بحزان =بداخل قيدهم يبقون دام القيد يزهونه
وانا باعيش بفراحي وبرفع راية العصيان=على قلبي بصك ابواب بها الاحزان مسجونه

المشاركة الأصلية كتبت بواسطة نادر فيــ زمانه (المشاركة 435255) الله الله ع القصيده اختي ذوق لله درك وصح لسانك قصيده جميلة والاجمل الوصف الرائع أبيات روووعه وتلسمين ع هالابيات اعجبت بأبياتك الحلوه لك ودي وخالص تحياتي

المشاركة الأصلية كتبت بواسطة مواعيـ سراب ـدك (المشاركة 435931) صح لسانك اخوي على القصيده الجزله يعطيك الف عافيه .. وبنتظار كل جديد منك

المشاركة الأصلية كتبت بواسطة عنود الصيد (المشاركة 435982) يعطيك العافية ذووق عابر الهاجر ابيات رائعه