يامل طرف ساهر اليل مابات=وقلب من اللي صار تشتب ناره
ماباقي الا عيني تهل عبرات=وكبد من الايام تجرح مراره
مصياف غيري سوريا والامارات=والا في اروبا بلاد الحضاره
وانا حياتي عسكري في المهمات=اموت واحيا ثم اداقش خفاره
قالو لي تسافر تكسب مهارات=وتصير متميز وراعي مهاره
شهرين واسبوعين بين الخواجات=في العالم اللي منتعش بازدهاره
اشقيت نفسي في جميع المسارات=ياليتني ماكان نلت الجداره
لابه نظر في الامر ياهل السيادات=ولا به امر تمييز يصدر قراره
راحت حياتي بين روحه وجيات=راحت سفر مابين حاره وحاره
ماكني الا في سلاح العربات=والا محارب في سلاح الاشاره
لازود في الراتب ولا به علاوات=وكنا نقول انا برهن الاشاره
ماارتاح في نومي ولو ست ساعات=مافدت غير البهذله والخساره
غير الدوام اعمل خفير وحراسات=في جو مشمس مشتعل بالحراره
مابين بوابه ومبنى وشاشات=اشوف نفسي بين تاره وتاره
وبين اتصالات ولقا واجتماعات=وقت على قلبي يطول انتظاره
غلطه تسجل لي بكل الملفات= صدقت ناس يعشقون الاثاره
مسلسله جت في قناه الحكايات=من فلم كاتب غيره عن مساره
توي دريت ان الحكايه دعايات=لكن صرفها بفن وشطاره
اقول بعد يدي جت بالكلبشات=ويكفيك عن كثر الكلام اختصاره
انا حياتي عسكري في المهمات=اموت واحيا ثم اداقش خفاره

المشاركة الأصلية كتبت بواسطة علي حميدان الدجيما (المشاركة 441841) والله اول مره اسمعها طال عمرك بس انشاءالله نلقا من يعرف عنهاشي تحياتي لك وتقديري

المشاركة الأصلية كتبت بواسطة أبن مصاول (المشاركة 441844) القصيدة من النظم المتوسط وصاحبها غير معروف واول مره نسمع بها كما قال أبو حسين..كان بودنا نخدم اختي الذكريات ولكن العم قووقل ما ساعد وهذه القصيده غير معروفة

المشاركة الأصلية كتبت بواسطة ساكب الحرف (المشاركة 447587) وانا حياتي عسكري في المهمـات اموت واحيا ثـم اداقـش خفـاره هاذي من القصائد اللي يرددها اخوانا العسكريين ينثرون فيها معاناتهم ولايهمهم من قالها اهم شيئ انها تحكي واقعهم وينبسطون بترديدها هههه شكرا لك على النقل

المشاركة الأصلية كتبت بواسطة ابوعنقاء (المشاركة 447622) الله يعطيك العافيه