ليا دقت هواجيس الضمير وجات عرض وطول=ذكرت اللي يوافق رغبتي واللي يناسبها
طحاطيح البيوت اللي مثل سيف الله المسلول=تخاضع عاصي لحون القصيد ليا بديتبها
أسكر باب وأفتح باب وأصنع للقصيد قفول=أبعدها عن الجاهل وللعراف أقربها
أنا ليه صديق(ن) ماصفى لي له إحدى عشر حول=وأنا لأجله هجرت الدار والأقدام متعبها
صديق(ن) يامحمد مايجي من دون زوله زول=بدون قصور في كل الرجال وفي مناسبها
ليا منّه صفى لي تصلح الهرجه على ما أقول=لاكن ليا تغير ماأقدر أنطقها ولاأكتبها
ولو قالوا لي الحضّار من ترسله المرسول=أقول أنا منصيها محييها معزبها
محمد ناطح الصعبات حي الشارب المفتول=ماوالله عنه أوخرها ماوالله عاد أجنبها
آبا رايه وهو فاهم وعنده للرموز حلول=سقى الله ديرتك ياابن رشيّد اللي تحلبها
وعسى من لامني في حب هالمزيون والمجمول=مايلقاء له حبيبه فالوطن يقدر يحبحبها

المشاركة الأصلية كتبت بواسطة شلاحية مطنوخة (المشاركة 444178) صح لسان الجزل عزيز الشيب الميموني عز الله انه مايجيب إلا سمان لقصايد .. وتسلم تسلم أخوي فايز غبت فأتيت بكل العذووبة والشاعرية .. الله لا يهينك .. ولا تحرمنا من ما في جعبتك من قصيد سواء لك أو من منقولك ..

المشاركة الأصلية كتبت بواسطة مواعيـ سراب ـدك (المشاركة 444188) صح لسان الشاعر عزيز وبيض الله وجهك اخوي فايز على نقلك المميز كعادتك بيض الله وجهك ويعطيك الف عافيه

المشاركة الأصلية كتبت بواسطة االوتين (المشاركة 444183) صح السان الشاعر عزيز بن صالح شيب الميموني ويعطيك العافيه ع النقل

أنا ليه صديق(ن) ماصفى لي له إحدى عشر حول

هل هناك نقص في الحروف ...لأن الشطر لا يستقيم هكذا

تحياتي وتقديري

أنا لــيّــه صديق(ن) ماصفى لي له احدا اعشر حول
......... وأنــا لأجـلـه هـجـرت الـــدار والأقـــدام متعـبـهـا

ما أعتقد ان البيت فيه شي أخوي ابن مصاول
هو فقط يحتاج لتشديد فوق الياء + ضم الكلمتين إحدى + عشر في كلمة واحده مثل نطقنا العامي لرقم 11 ..
حاولت أكتبها لكن يمكن ماوضحت ..