يامل قلبن خاطره دوم ظايق=ماذاق حلو النوم والليل مابات
اسهر اليا نامت عيون الخلايق=والعب مع الهاجوس مع نظم الابيات
يالين شبت وسط قلبي حرايق=بين الظلوع العوج هيهات هيهات
مما تشوف العين ماني برايق=في وقتنا الحالي وفالناس بالذات
ناسن يشيلون الحكي والنفايق=وسط المدينه يقطعون الاشارات
مايحسبون اجلالها والدقايق =واللي كماهم ماوراها مسرات
من دونهم نقطع جميع العلايق=ماهمنا الرديان في كل نيات
خله يولي جعل ماله طرايق=يالله لعله مايشوف السعادات
ترى الردي لوهو من ادنى الرفايق=تبت يدينه ماكسبله جميلات
عليك باللي للنواميس لايق=اللي يسد النوب لاجات ماجات
هميلعن ماهو بيم العوايق=ضلعه متين ويحتمي للثقيلات
يشيل سدك والنوافذ غلايق=ويحسب احسابك في جميعات الاوقات
هذاك لويقفي لابده يوايق=بالماقف الغصاب عنده دفاعات
الله خلق بالناس عايق وطايق=والطيب كافي والاوادم علامات

حكم ..حكم يا أبومشعل

أستمتعت كثيراً بقراءة القصيدة التي أرتقت الى ذائقة محبي الشعر النبطي الأصيل

الشاعر : متعب الزنغوب


صدقت والله


صح لساااااااااانك ملايييييييين ولاهنت ياصاحبي


نص توشح الحكمه والجزاله