منتديات الموازين الرسميه - ::الجبل يبقى جبل...(الى A)

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - ::الجبل يبقى جبل...(الى A) (http://www.almouazeen.com/showthread.php?t=40926)

::الجبل يبقى جبل...(الى A)

http://www.mamarocks.com/ovf26.gif

وش بقى لي وانت كل المشاعر تستبيـح

الحـزن غطـى وبانـت علـي ماريتـه

لا تخليني اعاني مـن اسبابـك واصيـح

الغـلا لـو تقتلـه فـي يدينـك ديـتـه

لا تمـن بمدتـك كنـك الكـف الشحيـح

لا تكابـر دام قلـبـي مـعـك ملكيـتـه

والله اني من عرفتك وانا قلبـي جريـح

اعترف لك ماني اللـي علـى وضعيتـه

سل سيف العشق وأطعن خفوقي وأستريح

لي متـى مشاعـرك ف اتجاهـي ميتـه

أيه أحبك اعترف وانت خابرني صريـح

شاعرك صادق معـك مـا تغيّـر نيتـه

كل ما ضاقت رقا والفضاء عنـده فسيـح

له شموخ ٍ فارض ٍ روحتـه مـن جيتـه

يرتقـي فمحبتـك والدوافـع مـا تطيـح

ما تصنـع فـي كلامـه علـى عفويتـه

يوم بين موقفه لا تحسـب انـه طريـح

مندفع مـن دون نفسـه علـى غاريتـه

حاول انك تكسبه وانت يالوجـه المليـح

عارف ٍ حسنة يمينـه وعـارف سيتـه

الجبل يبقى جبل ما يهـزه صفـق ريـح

ياكثر ماجيـت مـن ضيـم تبغـى فيتـه

الليالـي ماتغيـر غــلاك ولا تـزيـح

ثابـت ٍ حبـك بقلبـي وفـي محميـتـه

لاتخلي الشوق جثه وعشقي لك ضريـح

انتبه مـن قبـل لااكتـب عـزا مرثيتـه

هيه ياللي قمت كـل المشاعـر تستبيـح

الحـزن غطـى وبانـت علـي ماريتـه

م/ن

http://www.mamarocks.com/ovf26.gif