منتديات الموازين الرسميه

رزقي على إلي صرف الكون تصريف
ربً خلــقني ما يــمن أبمعاشي
هو القوي وكل من تحته ضعيف
فرداً صـمد ماله وزيرً يخــاشي
يحكم على عرش السموات ماشيف
ويرسل على الدار السنية نواشي
ويمد عبده عند ضيق المحا ريف
وليا أمر أمره على الكون ماشي
والمرجلة ماتنقضب دون تكليف
إلا بشـــد الزنــد كنــك تهــاشي
ولا تامن الدنيا ترى ألها صواديف
أتصيب من لا ترحمه برتباشــي
افطن لها قدام تضربك بالسيف
وتقفي ولا تلقى بعــدها عــراشي
أحدً تشيد له بيوت بزخاريف
ويصبح عقيد القوم لو كان لاشي
ورثة اجدوده ماولا ها بتكليف
ولاتعــب من نيلها جـت بلاشي
هويحسب ان الوقت دائم على الكيف
يقول انا مبسوط مع جيل ناشــي
الحر ميقاعه بروس المشاريف
وليا نصــيته بالمواقيف شــــاشي
وحقاً علينا نكرم الجار والضيف
لو كان ما ناجــد نقود ومـواشي
وصلاة ربي عد مايمطر الصيف
وعلى النبي اعداد وبل الرشاشي

الشاعر/ محمد بن نايف رباح بن سقيان