قعد يضحك وأنا ما أباه يضحك صامل الزندين=أباه يشطًر اليمنى لخدٍ زان مضرابه
بعد طال اللسان ومن شدوقه يلحس اللحين=دواه دواه عندي لاملخ أطنابه ومنسابه
ليا ما جت بصف الماقف ولوًذ غراب البين=نغق غيره من الغربان من شرواه وأذنابه
تضرك زائده من مشبهانيين على وجهين=يدرج كلمته ويدبلج الموضوع لاصحابه
ولن مرت بدون حساب مرت مثلها بعدين=وتسمن حجم في المعلاق لو ماتازن ذبابه
أكيد الي يبا المخلاص مستعجل لقضي الدين=ولا يرتاح مديونن وراه يحثً طلابه
أنا شديت حبل وهوخطر يلعب على الحبلين=ومن لا يحتمي الميقاف ليته يحلق اشنابه
حليلك يالمواقف تكشفين الطهر والنجسين=ولا ألوم الخصيم يحق له يردح بمشعابه
نقابل مانخاتل لا يخاتلنا العميل الشين=على الاشهاد يبدي ويتعلا راس مرقابه
عرفنا ماوراه من الهقاوي والخوافي تبين=بعد فل الكتاب وبان وجه الحقد بكتابه