حامد القارحي


ســـلام الله ســـلام(ن) غير الاول فـيــه هــيــل وبــــن = ولا يبخل كريم(ن) ساق من بنه ومن هيله

تقابلنا ولا نـدري نزعـل مـن ونرضـي مـن = وخصمي شاعر الفهمان يا ويلي ويا ويلـه


عبدالحميد الفهمي


هــلا يامرحبـابـك عــد نــو(ن) راعــده دنــدن = ولو يمطر جبل نعمان ما يعصمـك مـن سيلـه

تقابلنـا علـى مذهـب سلفـنـا والسـوالـف فــن = وحامد عارف انه يعرف اللي لي من اللي له


حامد القارحي


عسى ربي يبارك فيك وانت صافـي المعـدن = وانا ماني غشيم(ن) ينسدح للسيـل ويشيلـه

وصلني علم عن عبدالحميد إنه حليف الجن = وهـذا علـم لازم نكشـفـه فــي حلـقـة الليـلـة


عبدالحميد الفهمي


مكانك فيه شي من الخطر يمكن ولا يمكن = لكنـك حولـه قـدام حـال(ن) يغـلـب الحيـلـة

كلام(ن) ماعليه إثبـات لايغنـي ولا يسمـن = وبعض الجن فيه اسلام ما في ملتـه ميلـة


حامد القارحي


تقول العام هذا أحسن وعام العام كان أحسن = وكيلة من دخن تسوى من السمسم مية كيلة

إمــام المسـجـد الـلـي عـنـدكـم كـبــر ولا وذن = وإمـام المسجـد الـلـي عنـدنـا يـازيـن ترتيـلـه


عبدالحميد الفهمي


لحيّ الادمي بيت السنون وسن يظهر سن = يشيل التالـيَ الأول وحامـد باطـل(ن) قيلـه

جيوش الغرب مستغرب تكتلها مـع كلنتـن = حريم الوقت هذا غير واجـرَ مـن رياجيلـه


حامد القارحي


زمان الإحتراف الإحتياطي يزعل الكبتن = وأنا ما قلت خذلك دم ذيب وجيب تحليلـه

أنا ظنيت فيك بخير حذرا لا يخيـب الظـن = وهرول بعد حظك كـان يحبيلـك وتحبيلـه


عبدالحميد الفهمي

زمان الإحتراف الزين كل(ن) فيه يتحرفن = وحنـا ياسمـيّ نعـرف الممسـا مـن القيـلـه