الا ياهجوس الشعر ياغاية المطلوب=عوايدك لاضاقت عليه تسليني
انا المخطي التايب وانا اللي عليه ذنوب=وانا اللي على بلواي ترقص شياطيني
ادرج حياتي مير مالي عن المكتوب=ولحداً يعاتبني ولحداً يواسيني
وانا شايلاً قالقلب هذا وطن وشعوب=ويسلم نبض قلبي وتسلم شراييني
ماهموني اللي طبعهم تشذب العرقوب=من افعالهم دايم يطيحون من عيني
اثرفالعرب غالب واثر فالعرب مغلوب=وغلطان من قال الرجال متساويني
وكلاً على قده وجسمه فصله ثوب=ماهو كل واحد راجحاً فالموازيني
ياطيب الشجيع اللي ماتلقا عليه دروب=عزيز الجناب ولايذم المقفيني
غيابه ليا من غاب بين العرب محسوب=وله خوةً عن خوة اللاش تكفيني
وانا في طريقي صوب واهل الرديه صوب= ومن خلقتي ماطيح طيحة مساكيني

المشاركة الأصلية كتبت بواسطة ذيب الميموني (المشاركة 451823) انا المخطي التايب وانا اللي عليـه ذنـوب وانــا الـلـي عـلـى بـلـواي تـرقـص شياطيـنـي صح الساان الشاعر بادي وتسلم اخوي متعب على الايراد قصيده معبره ومميزه

المشاركة الأصلية كتبت بواسطة أبن مصاول (المشاركة 451971) قصيدة جزلة من الشاعر /بادي الزنغوب وكلها حكم رائعه وأسلوب شاعر قوي ومتبحر شعرياً ونشكرك أخي متعب لنقلها لنا , وما شاء الله عليكم يالزناغيب كلكم شعراء مبدعين.