|
رؤيـــا
السلام عليكم ورحمة الله وبركاته
هذ رؤيا قبل يومين الساعه 3 فجرا رأيت أني كنت في مكان مره كبير مثل الدكه مرتفع وفيه اضاءه كثير وجلايل وكأن فيه مناسبه وكان في جهه فيها رجال والجهه الثانيه الحريم بس ماكان في حاجز بينهم وأبويه كان من ضمن الرجال وجالس معاهم متكي ويتقهوون ويسولفون فجأه جات أختي الكبيره هي متزوجه بس كان شكلها نفس لما كانت هي بنت قبل ماتتزوج كأنها تجري تبغى تقول لابويه أنها حلمت في ضرة جدتي اسمها صالحه تقول لها القيامه بتقوم بعد بكره قلت لها لاتقولين لابويه قالت لا جدتي وصتني أقول له و أقولكم وقالت له وكان باين ان اليوم كان أربعاء وفجأه صرنا في مكان جنب بيتنا هو طريق ترابي على أساس أنه بيتنا ومتجمعين كلنا ابويه وامي واخواني الاثنين وانا وثنتين من اخواتي اختي الصغيره ماشفتها وكنا جالسين على شكل دائره وأختي تقول أنا سألت الشيخ ال حميد مؤذن الحرم عن الحلم وقالي هذا رزق بيجيك والقيامه بتقوم بعد بكره لان الاموات في الحلم مايكذبون وأنا قلت في نفسي كيف بيجيها رزق والقيامه بتقوم بعد بكره مافي وقت وكان الجو مغرب السماء زرقاء ومافي شمس وأنا جالسه أسبح وكنت خايفه وأقول الحمدلله أن ربي كتب لنا نعرف موعد القيامه عشان نتوب وقاعده أقول لواحد من أخواني جنبي وأنا أختك هذا طلبي عندك أنك تمسح الاغاني الي في اللاب توب واذا عندك صور بنات أمسحها تكفى وأنا أختك وكأني قاعده ألمح لاخويه الكبير بكلامي لاخويه الثاني عشان يمسح الفديوهات الي في اللاب توب حقه وقلت لاختي مدام خبر القيامه صح دحين الشيخ يقول للجرايد والمجلات وفي الطريق الي يوصل لبيتنا كنت أمشي وشفت مجله طايحه قريب من الجبل فيها صورة الشيخ ابن باز -الله يرحمه- وكان مغطي جزء من وجهه بورقه بيضاء وباين من الصوره أنه الشيخ كان محرج .. انتهى |
رد: رؤيـــا
وهذي الرؤتين وحده للوالد والثانيه للوالده
رؤيا الوالد قبل أسبوع رأى انه هو وأمي راكبين سياره بيضاء بيجو وشاف مرأه -هذي المرأه هي الي ربت الوالد بعد طلاق جدتي- وكانت هذي الحرمه في مكان مرتفع وتأشر على الارض وبعدين وقف ابويه السياره وحاول الصعود لهذي المرأه ماقدر كان في طين صالح للزراعه مقسم الى مربعات وبعدين رجع وركب السياره وراح لهذي المرأه من الجهه الثانيه والمرأه قاعده تأشر على الارض ولقي ابويه في الارض الي تأشر عليها الحرمه أسواره ذهب تميل للون النحاسي وفي الاسواره صف من اللؤلؤ منزوع منه 3 لؤلؤات بالتدريج (صغير-كبير-أكبر) وأخذ الاسواره من التراب وفجأه نظر ليده اليسرى واذا بها ذهب ناصع ماله شكل محدد مخلوط بين (السلاسل و الاساور) واليد اليمنى فيها الاسواره الي شالها من الارض والذهب الي في يده اليمنى والي في يده اليسرى كانت الوانها مختلفه وكان أبويه مركز على اللؤلؤات الثلاث المنزوعه .. انتهى والوالد صحي سعيد على الذهب ورؤيا الوالده اليوم الظهر شافت أنها في بيت جارنا وزوجته وقالوا لامي أن زوجته بتموت وكأن جارنا يبغى يتزوج أمي وأمي رافضه وكان مع أمي قهوه (قرص مدهون بسمن وعسل ومعاها قهوه) وبعدين رجعت بيتنا وانتبهت انها نسيت أغراض القهوه ورجعت بيت جيرانا عشان تاخذها ولقيت رحمه الي هي زوجة جارنا وقالت أمي لها انت وينك ماتقهويتي معنا قالت كنت نايمه وقالت لامي أنا زعلانه منك ليش ماكلمتيني قبل ماتجي قالت أمي والله ماأعرف رقم جوالك والا كان كلمتك وبعدين طلعت أمي مكان مرتفع وكان في المكان ثوب لامي معلق ولبسته وطلع ضيق وجارنا كان يطالع في أمي بعدين أمي نزلت من هالمكان ودخلت غرفه وقالت مابلبس وجارنا يطالع فينا وبعدين طلع في باب ثاني للغرفه وكان في اثنين واحد اسمع عيضه والثاني عبد الله يطالعون وطلعت أمي من الغرفه ولقيت 3 حريم وسألوا أمي فين مكان الحريم وأمي دلتهم عليه والظاهر ان جارننا كان عندهم زواج .. انتهى |
رد: رؤيـــا
وعليكم السلام ورحمة الله وبركاته
عفوا أختي إيش معنى الجلايل |
رد: رؤيـــا
الجلايل المقصود فيها ( السجاد )
|
رد: رؤيـــا
الاولى رؤيا خير صاحبة الرؤيا ستتزوج إن شاء الله ولعل أختها كذلك أيضا تتزوج وحصول رزق لهن (وتوبه وذهاب هم لصاحبة الرؤيا) 0000لي عوده لرؤيا الوالد إن شاء الله
|
رد: رؤيـــا
اقتباس:
|
| الساعة الآن 04:31 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
