يقول شفت الوقت وشلون سوّى=مابيننا ياصاحبي بالعلاقة
الوقت بحباله علينا تلوّى=وابحر بنا فْموجٍ يهول اصطفاقة
لابدّ نعصى قسمته وانتقوّى=ونرجع ايام مضت بالصداقة
واقول ياخلّي عليه تروّى=الوضع يبغاله هدوء ولباقة
لابدّ تسمع هرج بالقلب جوّى=كانك على ماقلت تبغى الرفاقة
وين انت يوم الحال فالبعد ذ وّى=والروح تشهق في غيابك شهاقة
يوم ان قلبي من فراقك تكوّى=وانت امتغاضي ماحسبت لفراقه
والحين جاي وللمواصل تنوّى=زاح الخِيال اللي رجينا حقاقه
هالحين غيرك في محلك تبوّى=مدّ الوفا واهديته العمر باقة
روّح معاك الوصل حبله تطوّى=مالي فْمواصيلك جمل اوّ ناقة
ياهيه شفت الوقت وشلون سوّى=فنجالة اللي دار مرٍ مذاقة

المشاركة الأصلية كتبت بواسطة الحميدي بن فارس بن مدلج (المشاركة 455567) صح لسانك اخوي سليمان على هاذه القصيده الجميله

المشاركة الأصلية كتبت بواسطة الهاشمية (المشاركة 455568) الحب ايها الشاعر متل النبتة تحتاج الى مقومات لتحيا وترتوي ... فالبعد والهجر والفراق تقتل مشاعر الحب بين الاحبة صغتها اخي بقصيدة اقل ما اقول عنها انها رائعة مقومات الشعرلديك قوية تمكنت من عرض المد والجزر في العلاقة بطريقة جميلة ابدعت اخي سليمان تقبل تحياتي مزيدا من الابداع الشعري

المشاركة الأصلية كتبت بواسطة الجريحة المعذبة (المشاركة 455649) صـــح لسانك يعطيك العافية

المشاركة الأصلية كتبت بواسطة ساكب الحرف (المشاركة 455741) لابد تسمع هرج بالقلب جوى -- كانك على ماقلت تبغى الرفاقه صح لسانك اخوي سليمان الطويرقي على القصيده الجميله اللتي اتت بشئ من المحاكاه للقصيده المغناه من الفنان خالد عبدالرحمن ودي تشوف الهم وش لون سوى -- في حال من حبك على غير مصلوح اخي سليمان استمتعت بقراءت هذا الراقي أعجبني الكثير من صور الجمال ومنها البيت اعلاه فأصدق كلام هو كلام القلب .. دمت بخير