الشعر
 

قال الذي فالشعر سابح وغطاس=وبنات فكره لانوى ماتخونه

يكسي حروفه من جديدات الالباس=والشعر لامن حل يلقى زبونه

شاعر وانا متعب وماهر ونبراس=اسبح بحور الشعر وحشرجنونه

اطب وسط السوق وقيس بقياس=وشري من الغالي وعندي ميونه

اضخر بيوت الشعر ماني بمنحاس=عسر القوافي لاحضرت مهيونه

شاعر ولي بالشعر ماقف ومجلاس=هذا شدادي والعرب يعرفونه

متوارثينه من قديمات الارماس=شيب وشباب وشهب الايام دونه

والشعر ماهو حكي في حلق هلاس=الشعر حكمه والعرب يحكمونه

بالماقف المعروف له وقت وحساس=والشاعر المشهور لازم يصونه

جزل القصيد يصير لرجل نوماس=والا رديه مايضمد طعونه

واشعر غنوبه هل الخيل والطاس =وكل الرجال الطيبه يعشقونه

هذا كلامي خط من فوق قرطاس=من شاعرن هجرس وهاضت شجونه

رد: الشعر
 

صح لسانك اخوي متعب وبيض الله وجهك على القصيد الجزل



ويعطيك الف عافيه ولاهنت

رد: الشعر
 

صح السانك ياخوي متعب وافي والقصيده وافيه وبيض الله وجهك

رد: الشعر
 

كفو يامتعب الزنغوب وصح لسانك

موفق بإذن الله ... لك مني أجمل تحية .

رد: الشعر
 

مواعيد سراب شكرا وصح بدنك

رد: الشعر
 

مهل الميزاني مشكوررررررررررررررررررررر

رد: الشعر
 

طقها ولحقها معودنا دايم على المرور والاطلاع

رد: الشعر
 

صح السانك
اخي الغالي
وكفووووو بكل ماقلت

رد: الشعر
 

رد: الشعر
 

ابو مشعل

صح الله لسانك مليوون

قصيدة جزله من شاعر لا يرضى الا بالجزل

اشكرك على هذا النص ولاهنت يالقرم