ماكتبت الشعر بمدح فيه احد.=وكل فكره جــاتني جتني بكر.
من سأل عنا بخير ومن نشد.=قلت شوف القاف تقراني فكر.
مايهيـــم القلب في وادي نكد.=غيـــر قلب ٍ بالهوى خِلّه مكر.
ناسج الفكره تحت كفي سجد.=عانق ابهامي بعد سجدة شكر.
ما طعني غيـــر نيبان الحسد.=سمها في جـوف خفاقي هكر.
ماتت النخـــوه وشيلت للحد.=والنشاما كثـــر مابه من ذكر.
من زهمـــته يعتذر والاّ وعد.=والوعد مابين فـــر وبين كر.
العجاج اللي عقب وبل البرد.=حايس الفيضه وصافيها عكر.
شان حظي ثم ثوى حتى قعد.=ولـو نخينــا تغلبي تزعل بكر.
طبعنا مــــا نطرد المقفي ابد.=الغـــلا مـاهو على قلبه حكر.
أثني الهامه لخـــالقنا الصمد.=في سجود الشكر والاّ بالذكر.
غيرها لو موتنا بقبضة أسد.=ماثنينا الراس لو شفنا النكر.
وكلمتي للي حقـــد قلبه مهد.=العفو حــر ٍ وصدري له وكر.

ناسج الفكـره تحـت كفـي سجـد.
عانق ابهامي بعد سجدة شكر