فقدت لي مهرةٍ غابت عن عيوني=من بعد ذابت عيوني يوم أخايلها
مهرة عليها الحلا والزين رباني=من زينها ماقدرت أحصي جمايلها
بنتٍ عليها الحلا ماشافته عيني=من يوم ربي خلق خلقه من أولها
الروح والزين كاسيها وأنا دايم=قلبي عليها شغوف ولايجاملها
أذكر سنة ماتقابلنا على غفلة=قلبي هواها مع النظره من أولها
سبحان ربٍ عطاها والله المعطي=وسبحان منهو سترها ثم جملها
راحت وأنا في هواها حالتي حاله=عيني عليها تميل ولاتقابلها
ياهل بريدة طلبت أخبارها منكم=تكفون والحين دلوني منازلها
لو إن كل المواقف ماتزعزعني=لكن بعض المواقف ماتحمّلها

وسلامتكم ...
.

المشاركة الأصلية كتبت بواسطة أبن مصاول (المشاركة 464671) لكن بعض المواقف ما تحملها<<<<هذا بلا بوك يا عقاب ههههههههه صح لسانك اخوي منصور ودائماً مبدع ولا تغيب عنا فنحن ننتظر الشعر الراقي دائماً بتواجدك