المجد لك ياوطن والمجد لرجالك=بقيادة اللي حكم بالشرع دستوره
يا دارنا زان لبسك عقب ما جالك= وإن قيل يا دار من هو قلي خو نوره
بانين مجدك وعزك خيرة عيالك= احفاد من اسسك كل(ن) خذا دوره
يا ديرة الخير والكل يتعنالك=بين الدول يا بلدنا صرتي اسطوره
يا دار بين الدول يا كبر منزالك=الحكم عادل وبالاسلام معموره
يا خادم البيت عند البيت يدعالك=يدعيلك اللي يحج البيت ويزوره
أهل الوطن والوطن كله على بالك=أنشهد انك ذراه ورافع(ن) سوره
بنيت ما يحفظ التاريخ بافعالك=خطتك في رفعة البيتين مشهوره
فيها مشاريع ما تخطر على بالك=حكومة(ن) همها البيتين مشكوره
ياقاصد البيت طوف وطوف عيالك=الامن في دارنا والعين مسروره
يا دار حنا شباب وشيب نفدالك=نحميك يا دار والعدوان مدحوره
يا طامع الدار عنها جنب اشوالك=من دونها وقفة الشجعان مخبوره
يا دار والله عدوك دايم(ن) هالك=من مد يمك إيدين الغدر مبتوره