يا نايف اضرب ضرب بتارٍ صميم=لا تاخذك بالدين يانايف مــــلام
تراه شر ومُر يُطبخ من قديــــم=والناس ناموا مير عينك لا تنام
قاموا خفافيش الظلام ومن يقيم=حد الاله إن هنت يالحر القطـــام
يانايف إنت الخصم لا هّد الخصيم=سيفك يعدل فُجر فُجَّـار الخصام
الشعب ناوي مير له عقلٍ حكيم=يقدم ويحجم ينتظر منك الكلام
والعسكر اللي دمهم جمره ضريم=أطفه بدمٍ يرتـــوي منه الحُـســــام
يانايف أنت اكرمت من قبل اللئيم=وهذا جزا الإكرام في طبع اللئام
نادوا نجادي واختفوا خلف الحريم=وانساق ركب الشر واشتد الزحام
ولولا البراد الي يجيهم والنسيم=ماكبرت اذناب الصياصي والخمــام
يانايف إعل الدين يعليك الكــــريم=واضرب بسيف الحق يرزقك السلام
إن تنصر الله ينصرك وانت الفهيم=فيه اعتصم ذابت احابيل الظلام