|
يا حزن مليت وترا ما عد احتال ................؟
بسم الله الرحمن الرحيم هذي ابيات بسيطه ومتواضعه تفجرت من حناياي وارجوا ان تنال اعجابكم ورضاكم ......... ياحزن مليت وترا ما عد احتال ***** اليا متى وانته برمحك تغزي ابعد ترا جرحي له ايام واليال ***** بين الضلوع بضيمه اصبح يحزي وش حدني لاوجاع جارت على الحال **** يومن ورا يومن تزيد وتخزي لا ابوك يا وقتن صدوفه لي اشكال ***** منها الشجيع اينوخ وله ابتعزي ليه الزمن غدره بي إمن الف رجال ***** يالعن ابوه الا قبالي يقزي يعني مثل ما تقول حظي ردي فال ***** خلقه كذا الاحزان جمبي تلزي حتى السهر مل وفهمته كنه قال *** طال السهر يا هيه فارق ودزي ما هو بيدي لا اظلم الليل واشتال *** قمرن عليها الرجل يصحا ويفزي ويمر ليله بين شيله وموال **** والزهر من هب الهبايب يهزي ما غير ظلمن وسطها النجم مختال **** والغيم بعلا الرجم كنه امتوزي هذا بلاي وعنه ما ادله ولا اعتال **** دوس الغداري عادتي واصل عزي وش حيلتي هذي من اسباب قتال ****** شفته قبل طعنته يمي يكزي وان جات او رحات معاذير واقوال ****** ما ينفع الغرقان لطشن ورزي يا هيه يكفي هم في داخلي جال **** ايصيح ياليتك تمل وتدزي حتى عيوني تشتكي دمع سيال ****** كلن يقول اشفيه وجهك مجزي والحين يا ضيمي بودعك رحال ***** والصدر عزي له من القهر عزي وان جيتني في يوم اجازيك بذلال ******* تبقى طعونك وسط جوفي تحزي لا عاد يطري لك تنال الرضا امحال ******* ارضاي فاتك والندم ذقه مزي هذي من الي زاد حزنه ولا زال ****** لعيون شخصن بالجفا غدر غزي ( وسلامتكم وارجوا من اخواني الشعراء او المتذوقين للشعر انا يذكروا ملاحظاتهم ونقدهم لا احد يبخل علي بمعلومه استفيدها منه وشكرااا........ |
رد: يا حزن مليت وترا ما عد احتال ................؟
ماشاء الله ابيات جميله اخوي يعطيك الف عافيه ...
|
رد: يا حزن مليت وترا ما عد احتال ................؟
يداية موفقه اخي لا عادها الله الملاحظات:
1-عندما يبتدئ الشاعر يجب عليه أختيار أسم جميل وليس جمله. 2-حاول أن تقرأ في الأدب كثيراً فأنت تملك موهبة ويراد لها فقط توجيه سليم. 3-حاول أن تسيطر على الوزن اكثر حتى تخرج القصيدة بموسيقى متناغمه. 4-لا تحاول أن تكثر الأبيات على حساب جودة القصيدة ككل فقصيدتك حوالي الــ20 بيت لو أختصرتها الى عشرة أبيات وركزت فيها على الفكره والمعنى والوزن لخرجت بقصيدة أفضل من هذه بكثير. 5-لا تركز على الجانب السئ من الحياة فحاول أن يكون شعرك متفائلاً أكثر لأن الناس ومع كثرة مشاكلهم لا يريدون أن يقرأوا المزيد من الدراما. تحياتي لك والى الأمام فأنت أن أصريت على النجاح مع الأخذ بأدواته سوف تكون يوماً شاعراً مجيداً |
رد: يا حزن مليت وترا ما عد احتال ................؟
السلام عليكم ورحمة الله وبركاته وبعد /
أخي صاحب الأبيات ياحبذا لوغيرت لقبك فهو جملة دعائية بالإضافة إلى التأكد من وزن الأبيات من الثاني إلى الخامس وعرض القصيدة على من تثق به ممن لهم خبرة في نقد الشعر ووزنه ودمتم سالمين |
رد: يا حزن مليت وترا ما عد احتال ................؟
مشكورين ويعطيكم الف عافيه ومنكم نستفيد اسعدني مروركم ............ وشكرااااااا
|
رد: يا حزن مليت وترا ما عد احتال ................؟
صح لسانك وماقصرت على الابيات الرائعه
يعطيك الف عافيه |
رد: يا حزن مليت وترا ما عد احتال ................؟
لاهنت على الجهد
|
رد: يا حزن مليت وترا ما عد احتال ................؟
قايلن ما ينهااااااااااااااااااااااااان يعطيكم العافيه جميع على المرور الرائع
|
رد: يا حزن مليت وترا ما عد احتال ................؟
صح لسانك اخوي لاعاده الله وانا مع تغيير المعرف افضل لك اما القصيده لابأس بها بدايه موفقه انت تمتلك الموهبه والملكه الشعريه حاظره لديك وتقبلك للنقد هذا دليل على تمكنك وهذه هي الخطوه الاولى
وهي الدرجه الاولى من سلالم النجاح فاستمر اخوي وأمل بأن لاتحرص على الحشو فلو اتيت ولو بأربعة ابيات اوخمسة ابيات لكانت ممتازه وملاحظات اخوي ابوضيف الله في محلها تقبل مروري وتقديري |
رد: يا حزن مليت وترا ما عد احتال ................؟
صح لسانك اخوي
القصيده في مجملها لابأس بها وجيده وانت في بداياتك الشعريه واختيارك للقافيه رائع وبالنسبه للنقد الاخوان ماقصرو اتمنى منك الاستمرار والاطلاع اكثر وان شاء الله نراك قريباً في قائمة الشعراء . |
| الساعة الآن 06:09 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
