الكزتني بكوعها في جنبي المليانه=عمد ماأدري دون ماتقصد عساها الراجف
كوعها شاكوش شق ضلوعي بنيبانه=ودرجت ماجاملتني لو بكلمت آسف
يوووه ما للدزدزه والقرب مني خانه=مالها عذرٍ تعذًر به مجنًب واقف
قلت باسم الله عليً إش قومها البطرانه=أزعجتني كأنً ثائر بي حزامٍ ناسف
ماتشوف الله يغربلها تقل عميانه=والمكان النور من فوقه وحوله كاشف
تدًحم بنت العرب من حالها زعلانه=وان صدق ظنًي يامركز مخًها انًه ناشف
قال لي واحد يجامل شكلها شرهانه=يمكن انك ما تعاطى مع ضيوف الهاتف
انتبه لن كلمتك إسلك لها الطفشانه=ويتلاشى عنفها وتروق مثلك عارف

المشاركة الأصلية كتبت بواسطة ساكب الحرف (المشاركة 471248) صح لسانك اخوي حمود على القصيده التي ملئت بالطرفه وين جتك هاذي ههههههه تقبل اعجابي وتقديري دمت بخير

المشاركة الأصلية كتبت بواسطة أبن مصاول (المشاركة 471250) صح لسانك اخوي حمود وقصيدة تحكي موقف طريف مر به شاعرنا المبدع فترجمه الى قصيدة تحكي ما وقع , ويا كثرهن اللي يلكزن هالأيام !!! لا وأزيدك من الشعر بيت ليتك تسلم بس وتهج بنفسك عن بعض هالمليانات اللي لو تزلق من الأسكليتر Escalator كان أنفضخت هههههههههههههههه

ههههههههه

صح لسانك ياحمود ولاهنت وابياتك اللي مليانه والله
تحمد الله على السلامه ياللي تدور عذر منها

لكن ابقولك مثل اللي جاملك
( يمكن انك ما تعاطى مع ضيوف الهاتـف )
.