|
" انتي عن اربع وبعدك يحرم الطاري "
هذي بيتين تعبر عن نفسها
تقووووووووول دام المحبة يابو عزام مقسومه=قلبي يدف الشكوك بعزم وانكاري ما ودي اشوف من ثنتين معلومه=اسمك بكرت الزواج وموت الاقداري ورديت عليها هذه الأبيات
ياللي تراسل حبيبك تعرف علومه=من يومها وانت واوضاعي لها داري حي الرسالة ومرسلها ومفهومه=ياحيها يوم تنشدني عن اخباري فيها حروف المحبة منك ملغومه=جتني على غير عادة لفّت افكاري كلك غلا والمحبة فيك مرسومه=وانا عيوني مرايا القلب لاسراري انتي حياتي طوال العمر من يومه=سعادتي وين ماحليت واسفاري وانتي ظماية وعذب الما من غيومه=وانتي طعامي وجوعي وانتي انواري وانتي كلامي بصحو العقل وحلومه=وانتي هواجيس قلبي وانتي اشعاري واللي طرالك ورب البيت موهومه=انتي عن اربع وبعدك يحرم الطاري هذا ضمان المحبة جاك بختومه=والا المنية بعلم الخالق الباري وسلااااااااااامتكم تحيتي للجميع |
رد: " انتي عن اربع وبعدك يحرم الطاري "
صح لسانك اخوي عبدالعزيز ويعطيك العافية
|
رد: " انتي عن اربع وبعدك يحرم الطاري "
صح لسانك أخوي عبدالعزيز وما شاء الله عليك وعلى ام عزام شاعر ومتزوج شاعره ...وما دام انها شاكه فالمؤكد تحرص حتى لو مسيار هههههههههههه ما ينفع
ولكن جاء ردك رائع ليبرهن لزوجتك ان كل شكوكها اوهام "وانا دائماً أوكد بان أصدق الحب ما يعقب الزواج" وقلها يا بنت الحلال ما دامني مرتاح مع "حواء" مالي ومال دوخ الراس .. تحياتي لك وأشكرك على إتحافنا بهذه الأبيات الجميله والمعبره ... |
رد: " انتي عن اربع وبعدك يحرم الطاري "
روعه يااخ عبدالعزيز .. مبدع
|
رد: " انتي عن اربع وبعدك يحرم الطاري "
صح لسانك ملايين يابو عزام
وصح لسان اللي مرسلك هالعتب اتحفتنا بهذه القصيده المميزه مع اني اتوقع ان البيتين اللي حركتك اطول من كذا تقبل ودي وتقديري . |
رد: " انتي عن اربع وبعدك يحرم الطاري "
صح السانك اخوي عبد العزيز ابيات رائعه جدا...
يعطيك الف عافيه... |
رد: " انتي عن اربع وبعدك يحرم الطاري "
صح لسانك أخوي عبدالعزيز الشاطري
|
رد: " انتي عن اربع وبعدك يحرم الطاري "
يعطيك العافيه |
| الساعة الآن 03:42 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
