منتديات الموازين الرسميه - وأنا أبشرك صدري يا سليّم فاللقا ما ضاق !!

منتديات الموازين الرسميه (http://www.almouazeen.com/index.php)

- شــــعـــراء منتديات الــمــــوازين (http://www.almouazeen.com/forumdisplay.php?f=17)

- - وأنا أبشرك صدري يا سليّم فاللقا ما ضاق !! (http://www.almouazeen.com/showthread.php?t=43816)

وأنا أبشرك صدري يا سليّم فاللقا ما ضاق !!

على ركم السحاب ورعده يشادي سنا البراق = تلد العين في كبد السماء وأقول .. سبحانك
تجلّت قدرتك يا مدبّر الاكوان يا خلاّق = تمد اللي ترجّى فزعتك مع كل بيبانك
تراودني هجوسٍ وصفها تدريبها العشّاق = توغل فالضمير .. وتطلبك من بحر وجدانك
دخلت المنتدى خط اتصالي عبر ( برج افاق )= مدى السرعه على ( ممتاز ) واربط محزم امانك
لقيت من القصيد اللي يناسب لي .. وجوي راق = وأنا لجل ( الشعر ) ما اجامل الشعار وأحانك
حسب ذوقي وكلٍ وله شف ولرجال أذواق = ولولا الفرق فالأذواق كيف يقر ميزانك؟
يجي سوّام لسلعه ولو ضاقت بها الأسواق = على قول العرب .. شرهتك لافكيت دكانك
لقيت أصحابنا كلٍ تحمى وإرتكز بالساق = لكن تبقى يا نجد بهيبتك مشتال ضلعانك
وأنا أدري فالعلوم إجلال .. زي ما فالعلوم دقاق = نصيبك ياتعيس الحظ من شعلتك ( دخانك )
أجاوب من فرايدهم كما حلو العسل ينذاق = يصيغون البيوت اللي تمناها بديوانك
لو إن الموس جاهز فالزوم ... ولو نباه يساق = تعدى قلتك وأحفى بقايا شر لحيانك
حشمت (الموس)و(الشفره) ويمناً تخدم (الحلاق) = ما دام أبسط عقوبه نتخذها فيك حقرانك
مصيرك يامعمّر شين دامك ما أنت فالميثاق = عصيت المعتلي .. وأوحيت ما يا مرك شيطانك
وأنا أبشرّك صدري يا سليّم فاللقا ما ضاق = يهيض ويستعيد اليا توحى ( سبك قيفانك )
على شعر النبط هيضتني لو ماني بمشتاق = قصيدك جزل يجبرنا على .. صح الله لسانك
مشى حبر القلم ما اجبرته يعبّر على الاوراق = كتب نص الرساله والحروف ( إسمك وعنوانك )
تعزويت بهجوسٍ طيبها في ما مضى سبّاق = تغوصك يا بحر وتجيب لولوّك ومرجانك
على صوتك وصل رد الصدى من خاطرٍ تواق = لجل بيت الشعر ما قول من ( شاني ومن شانك )
مادام إن الحقيقه شمس ماتخفى بسد رواق = ترا ماني موكّل يازمن برضاي زعلانك