بمناسبة تعيين نايف ولي عهد=جعله يعيش شهور وسنين ودهور
سلايل اللي للجزيره موحد=عبدالعزيز اللي له الدين دستور
وحد وطنا بالشريعه ولاصد=واطفى الفتن بالدار والعز معمور
وخلى القبايل كلها بينها الود=من عقب ماهي بين حاوي ومقهور
ورث اسودن كلهم مالهم ند=على الوطن والدار شعت كما النور
واليوم نايف يقضي النوب ويسد=لاكبرت الدعوى محنك ومخبور
سيفاً عطيب ويجعل الضد يرتد=والطامع الطماع يرجع ومكسور
هذا الحكيم اللي له الامر ينعد=وهذا الكفو واللي له الصعب مامور
وهذا عمى الاخصام في ساعة الجد=حام الوطن بالامن وبليس مدحور
يوم الوطن محتاج والحيل منهد=في حزة الارهاب له بالوطن دور
حتى قضى الارهاب من عقب ماعد=وبفكرته تفكير والسد مقبور
يزه المناصب طيب الخال والجد=ولاخاب ابو متعب على الظن مغمور
والله لوكتب شعر اليوم والغد=وامشي من دياري العرعر وابالقور
محصي فعايل جزر الامواج والمد=اللي له التاريخ محفوظ بسطور
شاعر مع الشعار وحل واشد=واطوع العاصي النايف ومجبور
وخاتمه قافي من الحد للحد=من منبع الافكار رايق ومسرور
تم الكلام اعداد مايرعد الرعد=وعد النبات وعد ماتبذر بذور