يازين جذب الكلام بفيه عـذب اللسـان=منطوقها يسحر الالبـاب مالـه شبيـه
علقنـي بقمـةٍ مالـي عليهـا مكـان=أخاف من حيدها يظهـر عليًـه سفيـه
ان ما فرز ليـن يلقانـي بجـو بيـان=والا فامـان الله ونفسـي وماتشتهيـه
يازين مدً الخطا واثق علـيً الضمـان=الغالي الـي سواتـك بالغـلا نشتريـه
ماني مضايق فلان ولا مضايـق فـلان=وخلال عين العدو فالكف لـه محتسيـه
انجت على الكيف قول اني كسبت الرهان=وان صلفق الوقت دلو الحظ حسبي عليه
عينه رماني بها بارماش رمش جنـان=واصابعـه مـن تبادلهـا يبانـا نجيـه
ان كان ماخاب هجسي فيه كله حنـان=كومت مشاعر سنيـن أيامنـا تحتريـه
وختل الضبا المستذيره لجفلـن حبيـان=وان ما استذارن فرقنا بين ذيكي وذيـه

انجت على الكيف قول اني كسبت الرهان=وان صلفق الوقت دلو الحظ حسبي عليه