اشوف ناس(ن) غيرتها الحضاره=عادتهم راحت مع الوقت تذكار
الجار ينشد مايعرف اسم جاره=واليا نشدت الجار مايعرف الجار
حضارتن ياشينها من حضاره=ماهي حضاره جات من عند الاشرار
حضارت(ن) للناس جت بنحداره=حضارت(ن)من غرب جتنا بالاضرار
قوم(ن) صغاره ما تقدر كباره=في مجتمعنا جات من بعض الاقطار
بعض الشباب يروح وقته خساره=يروح بلوشي إلى وقت الاسحار
من دون شغل يحوم ليله نهاره=وإليا نشدته قال ابروح مشوار
اللبس شين وشوشته كالغضاره=من شين لبسه تلتفت فيه الانظار
نظره من اللي ينظرون بحقاره=عز الله إنه فالتقاليد ما اختار
مختار لبس متيهين الحواره=اهل الوفاء والطيب وافين الاشبار
اخير منه اللي طلع بالمناره=يازين صوت(ن) يرفعه وقت الاذكار
انا ما اعم الكل فيهم نماره=اللي على العادات مع درب الاخيار
حنا عرب عاداتنا فالصداره=واهل الكرم للضيف مع شبت النار
وحنا حضارتنا الكرم والوقاره=وحنا هل التوحيد من بد الامصار


وسلامتكم...

اخيـر منـه اللـي طلـع بالمنـاره .. يازين صوت(ن) يرفعه وقت الاذكار

صح لسانك يابو نافع وبيض الله وجهك على هالقصيده الجزله
وعز الله انك صدقت فيما قلت
.

المشاركة الأصلية كتبت بواسطة هاجس (المشاركة 482243) الله الله صح لسانك ولاهنت ونعم فيك يا جارانا

المشاركة الأصلية كتبت بواسطة أبو بندر (المشاركة 482250) صح لسانك اخوي مسند قصيده جزله وتحكي حال واقعنا استمتعت بقرائتها دمت بخير

المشاركة الأصلية كتبت بواسطة ابن الشاعر (المشاركة 482332) اخيـر منـه اللـي طلـع بالمنـاره .. يازين صوت(ن) يرفعه وقت الاذكار صح لسانك يابو نافع وبيض الله وجهك على هالقصيده الجزله وعز الله انك صدقت فيما قلت .

المشاركة الأصلية كتبت بواسطة أبن مصاول (المشاركة 482338) صح لسانك يا أبو نافع وقصيدة مميزه وموضوعها صراحة هو مشكلة هذا العصر الذي نسوا فيه صلة الجار وعدم معرفة من هم بالقرب منه مع انه يهدر وقته في امور تافهه وإذا سالته عن جاره لا يعرفه ....ويستثنى من ذلك من هم مشغولون جداً فهناك اناس لا يجدون حتى الوقت للجلوس او التعرف على أمور عائلتهم بأسباب مشاغلهم الكبيره. صح لسانك مرة اخرى يالعميد ولا هنت