يامالك القلب وحدك مامعك ثاني = عليك خلج الضماير جالهن حنه
ياللي خذيت الخفوق ودم شرياني = والفكر والعقل اخذته وش بقامنه
ياسارق القلب لو تسمح على شاني = قلب خذيته من صدوف الزمن حنه
صحيح قد قالو إن الحب سلطاني = لوكان ماهو بلافرض ولاسنه
لانامو الناس ابات الليل سهراني = من فوق مركاي والونه ورا الونه
وليا تسمعت لـ محمد سليماني = عذب السجايا وعوده بأول الكنه
قعت مابين ضيقة صدر وأحزاني = وقمت آتذكر وليف مبطين عنه
يطري لي اللي غلاه وحبه أشقاني= وهجوس قلبي على طاريه يردنه
عنه انتحابي زماني لين وداني = ومنول آجيه ودروبي يمرنه
ياحقوق الإنسان وين حقوق الإنساني = راحت حقوق العرب وانتم ولاكنه
قولو لمن راح مع غيري وخلاني = إن مت من سبته مايدخل الجنه