ياسلام الله على من قال انا شاعر مخظرم =شاعرن يصنع من الافكار فكره مستحيله
يالعقيلي لاتزود هيل بالدله وتضرم=والخيال يمر والقيعان تنظر بالمخيله

البقا بالشاعر اللي طب وسط البير محرم=الحطب والنار من تحته ومن فوقه مليله
يستمع فالناس حوله والعرب تدري انه اطرم=لاسرا فالليل يستاذن من امه ياحليله

خبرك شاعر مفوه خابرك لامنت بشرم=شب نارك يالعقيلي وحذر النار المهيله
المشاكل مبتداها منتهاه وفد حضرم=وكل شارب له مقص وكل جاهل له دليله

انت دولي ماتبى لك معرفة والعقد مبرم=ومثلك وشرواك ماترضى عزومة بالقليله
الخطر حولك وصلك وفالبلد مليون مجرم =انتبه والسيل مايرحم من ينام بمسيله

اتفقنا وتكلنا ولحيتك يارجل تكرم=ماسمعنا مادرينا مادرين بالفضيله
في زمن ماهو زمنا تاكل الدنيا وتفرم=في زمن هذا زمنا مدت الطيب بخيله

ما اتفقنا معك لا لا دامك مهاوي ومغرم=اقصر الهقوات حسب الجود يا راعي الطويله
لاحشا تحرم علينا الملعبه والزاد يحرم=دام صار الشعر سلعه عند بياع البليله