يامل قلب(ن) كله اهموم واشواق=مافيه همن ما سكن في ضفافه
لو راق ساعه باقي الوقت ماراق=دايم وهو للهم مجلس ضيافه
عليك يا اللي يمه القلب تواق=يا من تملكني بفن وحرافه
يا المترف اللي جامعن كل الاذواق=كل الوصوف الايقه من وصافه
خليتني بعدك للأحزان سواق=وخليت جسمي معلمن لا النحافه
غيبتك غيبت شمس وحضورك أشراق=على ثرى قلب(ن)تزايد جفافه
حاولت اجرب حب غيرك ولا لاق=كن المحبه غير حبك سخافه
ياكثر ما تطري علي البال وأنساق=واخذ على سكت غلاك التفافه
تدخلني الذكرى متاهات وانفاق=لين الكرى والنوم عيني تعافه
لولا القلم ومصافحت بيض الاوراق=وسلواي مع طاروق شعري وقافه
يمدي سحاب اللهم راعد وبراق=لون همي ماتركله حسافه
الحب مثل السيف قطاع الاعناق= والبعد لقلوب المحبين أفـــــه
يا شينها لاصرت مغرم ومشتاق =وبينك وبين اللي تحبه مســـافه
دونه مشاوير ومتاهات وأرهاق= والنفس ما تقوى التعب والكلافه
(ياليت ربي ما خلق حب وافراق)=تطري علي اليا نصفت المسافه

الله الله

كتبت فأرضيت غرور الكتابه

صح لسانك ياذيب ميمون

غيبتك غيبت شمس وحضورك أشراق=على ثرى قلب(ن)تزايد جفافه

المشاركة الأصلية كتبت بواسطة ابـــ فواز ـــو (المشاركة 487199) ياليت ربي ماخلق حب وفراق=تطري علي اليا ذكرت المسافه الله الله كتبت فأرضيت غرور الكتابه صح لسانك ياذيب ميمون

المشاركة الأصلية كتبت بواسطة أبو بندر (المشاركة 487201) حاولت اجرب حب غيرك ولالاق كن المحبه غير حبك سخافه ياكثر ماتطري على البال وانساق واخذ على سكة غلاك التفافه تدخلني الذكرى متاهات وانفاق لين الكرى والنوم عيني تعافه صح لسانك اخوي ذيب جزالة حرفيه وقصيدة جميله جدا اعجبني النص كثيرا