هذه القصيده تكريماً للشاب سطام حامد الميزاني وذلك لتبرعه بإحدى كليتيه لوالدته جزاه الله خيراً.

سطرت يا سطام فعل البطوله=تبقى فخر جيلك على طول الأيام
نفخر وتفخر بك رجال الحموله=لأنك على جيلك تقدمت قدام
التضحيه بالنفس عندك سهوله=كله من اجل اللي من السقم ما نام
أمن عليك تخاف وقت الطفوله=واعطيتها من غالي الجسم باكرام
هاذي معاني التضحيه والرجوله=وهاذي عليها حثنا دين الاسلام
واليوم بر الوالده من ينوله=بوقت(ن)نعاني فيه من قطع الارحام
يفداك خبل(ن) مايلاتن حثوله=مثل البهيمه عايش(ن) وسط الانعام
مايذكر الواجب وسنة رسوله=وإليا رقد في داخل البيت ما قام
دايم من الرحمه يديه مغسوله=مايلتفت في والدينه إليا قام
خايب رجاء وابوه دايم يعوله=ولا نشبله كل يوم(ن) بالاقسام
لو هو قريب(ن) عندهم ما شكوله=بلاه محروم من الاجر وخمام
بين خماله والخوال قعدوله=الوجه بارد وينحسب ضمن الاقزام
إن جاء ولد عشرين بانت فعوله=تبين مرجلته وتكشفها الايام
تمت بذكر اللي بمكه سعوله=اللي على بيته يطوفون بحرام

وسلامتكم...

المشاركة الأصلية كتبت بواسطة كل المواعيد وهم (المشاركة 487735) ونعم الولد وماهي غريبه ما قدمه لوالدته صح لسانك شاعرنا مسند بن مازن

المشاركة الأصلية كتبت بواسطة علي حميدان الدجيما (المشاركة 487739) وانت سالم يابو نافع ويستاهل سطام هذه القصيده جزاه الله خير والله يكتب له الاجر

المشاركة الأصلية كتبت بواسطة المهلب (المشاركة 487741) السلام عليكم ورحمة الله وبركاته وبعد / جزى الله خيرًا الابن ( سطام ) على تضحيته لوالدته ، وشكرًا للشاعر مسند االزحزوح على غرس القيم الحميدة في نفوس الشباب بمدح ذلك الابن البار فمن القول ما يبني المعالي .

المشاركة الأصلية كتبت بواسطة أبن مصاول (المشاركة 487745) أبو نافع بيض الله وجهك وصح لسانك ونعم هذا هو الشعر الحقيقي الذي ياتي لمناسبة ساميه مثل هذه وبارك الله في سطام حامد الميزاني على ما قام به تجاه والدته وقد ضرب بفعله هذا أكبر مثال للوفاء من الأبناء لأمهاتهم .. قصيدة أستمتعت بقرأتها وانا متأكد من انها لم تأتي من فراغ بل من شعور الشاعر بعظم هذا الموقف من سطام ولتأثره الشديد بموقفه. صح لسانك آلاف المرات