ياللي تقول ابطيت لاعل ماباس = هذا جوابي جاك حسب السوالي
(البعد زين وقصرة الرجل نوماس) = خلك بعيد تصير طيب وغالي
مالي ومال مجالسة بعض الاجناس= حتى ولو أجلس وحيد لحالي
ورزقي على الله ماطلبته من الناس= والعز طبعي والوفا راس مالي
فصلت من خام المعزه لي إلباس= وغتره وطاقيه وزايد عقالي
والمجلس اللي فيه يوجد وجع راس = ماجيه لوهو بيت عمي وخالي
واللي لسانه يطرقه مثل الامواس = بكره بدون إلسان يصبح يلالي
أشطب على إسم النذل من بين الاقواس= واحط قدره تحت ماطا نعالي
ماني بخبل ماله إشعور واحساس=مثل البهيمه يطعم المر حالي
ولاني بمجبور على خوة أنجاس= ألقا بدلهم من خيار الرجالي
كليب حكمه مارضي فيه جساس= طغا كليب وصار قتله حلالي
ولو أعجبك بيت رفيع بلاساس = ينهد لاهبت عليه الشمالي
يقوله اللي قيس الوقت بقياس= ودرس جميع أيامها والليالي