إرعــدي ثــم أبـرقـي ثـــم أرعـــدي.=وأمطري مـن غيـم فكـري سلسبيـل.
غيـمـة ٍ دلــت عـلـى قــاع و مــدي.=وأرتوى الوارد من المعنـى الجزيـل.
من بيوت الشعـر نسـدي لـه سـدي.=وبضلـوع الجـوف ودي لــه مقـيـل.
المـشـاعـر صـــدرت لـــه وتـعــدي.=راويه .! فـي صدرهـا فرحـة بخيـل.
جيتـهـا شـايـل بـصـدري مقـصـدي.=بالتـرمـل لــو بـقـى حـالــي نـحـيـل.
يـاطـيــور الــــود فــوقــه غــــردي.=أهمسي في مسمعـه .. مالـك مثيـل.
قـولـي إن الـبـعـد غـــازي مـعـتـدي.=كـيـف أرد الـغـزو والـقـائـد خـلـيـل.
آه ...! كــم ود ٍ نحـرتـه لــه فـــدي.=كيـف يرضـى مـن مشاعرنـا قتيـل.؟
ما نشـف كـف الوفـا ... دايـم نـدي.=لو يموت الوصل في مـوق الرحيـل.
جـــاوب الأبـيــات دامـــك بـبـلــدي.=منت ضيف ولا انـت عابـر للسبيـل.
شـف فضـا شعـري تعطـر بأبـجـدي.=يـوم أغنـي فـي تضاريسـك وأشيـل.
ظــامــي ٍ قـلـبــي وروّح بـجـهَــدي.=شفت موته أشبه .. بْمـوت النخيـل.
لا ظما عرقه .. مـا يبطـي صامـدي.=لـه كفـوف الريـح ملـحـاة ٍ و ويــل.
ولو ذهب صمتي .. على شفة ردي.=هـآبـه الصنـديـد مــن شــر ٍ يخـيـل.
ولو كتبت الشعر.! في صدر بْـردي.=ريـح قافـي عـود عانـق لـه مخـيـل.
لو بنـادي الشعـر ...! لبّـا : سيـدي.=والغرابـه .! محـرقـه قـلـب ٍ علـيـل.
الـبـحـر لا هـــاج.! دوّر لـــه لـــدي.=تقصـر الهامـات عـن مـوج ٍ يهـيـل.
والقصيـده بـنـت مــن فـكـر ٍ جــدي.=بنت فكري..! والأصيله مـن أصيـل.
أحتمـيـهـا بـالـفـكـر .. وإلا بــيــدي.=دامـهـا مــن دم قـلـبـي مـــا تـمـيـل.
دونـهــا بـاالـعـز والـعـقـل الــقــدي.=أنثنـي .! لــو صــار للـزلـه عمـيـل.
جاك قاف ٍ مـن سنامـه ..! مايغـدي.=عارف ٍ قدره .! مـن الـوزن الثقيـل.