بسم الله الرحمن الرحيم



اول بيتن من هذه القصيدة ليست من بوح قلمي
ولا اعرف شاعرها اللي اقوله صح لسانك واستبيحك العذر لاني بنيت قصيدتي على ابياتك المخلدة نظرا لتشابه مناسبة قصيدتي مع مناسبة ابياتك

ياليتنا من حجنا سالمينا= كان الذنوب اللي علينا خفيفات
رحنا نبى نخفف ذنوبٍ علينا =وجينا علينا كثرها عشر مرات
هذا كلام جدودنا الاولينا=واليوم ياوجيه الوفا حزته جات
قلته وقاله قبلي العارفينا=ماتنقضي حاجات راع المراوات
ستة شهور بنومنا مااهتنينا=بين الوعود وبين رصد المسافات
من دون بعض الناس درعٍ حصينا=يوم الاوادم حولنا راحو اشتات
رجلٍ تزين له عجاف السنينا=مايختفي ذكره مع الناس لومات
ورجلٍ ولو؟زينتها ماتزينا=موجود لكنه من حساب الاموات
لو بان ماتحت الثراء مايبينا=وللا زمانه مثل ياسر عرفات
وش فيك لاتنظر يسار ويمينا=اقصد ك انا ياخاين العهد بالذات
هذ الجواب ان كنت رجلٍ فطينا=هد الامور وعالج الوضع بسكات
واذا لقيت الحل عجّل علينا=قدام بكره ننشره فالمجلات
ونقول قدم الناس همٍ دفينا=ويشفى عليلٍ يسهر الليل مابات
كنا نجامل كننا مادرينا=من باب حكم المعرفة والمراعات
من طيبنا لاتحسب انا نسينا=طيبٍ ماهو اوقات في كل الاوقات
على المكارم طايلاتٍ يدينا=والا؟انت مالك مع هل الطيب عادات
ننوي على وضح النقا لانوينا=وان خانتك نيتك للناس نيات
واذا عطاك الراي عجلٍ سمينا=خذ لك بعد رايه مع الحزم سجات
حيث ان جده كان راعيٍ رهينا=من لابةٍ بين العرب مالها اصوات
الله ياحبه لعجن العجينا=ولا هو بعيد انه بعد ياكل القات
وختامها لا؟ تونا ماانتهينا=باقي وباقي عندنا جملة ابيات