أحب يا اللي مزعجيني تحبون=أحب من صان المحبه ولا خان
رجال يسوى فالرياجيل مليون=مافيه مثله بين حضر(ن) وبدوان
شاعر ومتعلم وتاجر ومزيون=غطا عليكم يارخيصين الإثمان
ماهو من اللي (ل)لردية يلدون=فنان بأسلوبه وفالعشق فنان
ماهان قدره يوم غيره يهينون=نال الغلا كله عن فلان وفلان
متميز(ن) باسمه وله طبع مجنون=ما يقبل الذله ولا يعيش منهان
يذبح عشا ضيفه ولا قال مديون=يوم ان غيره يدبل العذر باديان
يفزع لربعه لاسمعهم ينادون=و يقدم الفزعه لهم سر واعلان
اسمه مع العربان بالطيب مقرون=ربي عطاه العز من غير حسبان

يذبح عشا ضيفه ولا قال مديون
يوم ان غيره يدبل العذر باديـان
صح لسانك
قصيده جزله من صاحبة الجزلات الدائمه
عيد المطيري يتمنى لك التوفيق والسعاده فى حياتك