***نقطة التفتيش***

ياقلبي لآتشكي كثرة الصد والتطنيش = ولايزعلك من صد عنك بدون اسباب
ولاعاد تسأل صدة الناس عنك ليش = ومن صك عنك الباب حذراء تطق الباب
ولاتقول ويش اسباب صدتك عني ويش = ولاتاخذ البندق ولاتاخذ المشعاب
لياشفت فالإرسال قام يحصل تشويش = عنه قفل الموجه ولاتحرق الاعصاب
يقول المثل طنش بوقتك تراك إتعيش = وتسلم من الجمره ومن لحسة المشهاب
ترى الداب مايقرص بنابه وهو مانيش = وكانك لمسته جاك سمه مع الانياب
وترى مايحرق الشي كود إلتماس الفيش = ومن قال ماهو صح اباأقول له كذاب
ولاتغني الرشوه ولايغني البخشيش = ولاينجح الكاذب ولايفلح النصاب
ومن عاش وقته بين كبر وغرور وطيش = يخليه وقته فالنهايه بدون اصحاب
تهب الهبوب العاتيه وتغدي بالريش= وتبقا الهضاب الراسيه فالمكان إهضاب
وعماش لاونه طمع في حلال عميش= يهل القمر ويبين نوره بعدماغاب
ومن حط رجله تمسكه نقطة التفتيش= وتفتش جميع العفش وتفتش الركاب
وترى الجرح ماله طب ياكود بنج وشيش = واقول اللحاء ماتصلح إلا مع الأشناب
وانا أقدرالطيب ولاصاحب الدرويش= لو إنه يمثل دور أبو زيد قبل ذياب

شاعرالغربه/شبل الميزاني