منتديات الموازين الرسميه - (( الـــثـــــــــوره ))

يــا الله دخيلك من زمـان الثـوره =
ومـن الــفــتن يـــاربنا تــامـــنا
وعــسى وطـنا بالامـن معـمـوره =
وبحـمــاك يــارب الملا تـتـهــنا
بـقـيادة اللي شـورنـا مـن شـوره =
هـذاك أبـو متعب عريب المجـنا
خادم بيوت الله على أكمل صوره=
الله يحـفـظه لـلـسعـد قـــــأيــدنا
شـفـت الدول من حولـنا مذعوره=
والوضع يـؤسف له وبجد أعلنا
دارت رحـاهـا بـالعـرب مسعـوره =
من فـعـلها رمـوش الولد شـابنا
شـعـوب قـامت من زعل مقهوره=
كلن يـقـول أرحـل ياحاكم عـنا
وتونس يوم الاخبارجت منشوره=
تــقـول ريئســها لـجى زابــــنا
تـعــذرت كــل الـــدول لحــضـوره=
الا الســـــعـوديــــــه وحـنا حـنا
أبـشــر بعـزك قـالها اخـــو نــوره=
يـومن كــلاً خــاب فـيه الضـــنا
وحـول وشـاف اللي يسـر شعوره=
وعـــاش بـــأمان وكـل ما يتمنا
وفـي مصر كـلاً طالعن عن طوره=
الشعـب مـــنا والحــكـومه مــنا
حـسني مبارك محـتمي بـصقـوره=
والشعـب قـالوا خـاين وضالمنا
حـــاول يكـافــح لين هـدو ســوره=
وقـالوا نبـي نحـاكـمك يـاخايـنا
ومن عـقب ماهو مهتني بقصوره=
عــلــيه ميــلات الــزمن مـالــنا
وأنهـار حـسني وابتلــش دكـتوره=
فـيه الجـروح أعـطاب مـايبرنا
عــليه شـعـبه سـجـلوا فــــاتـوره=
والله لـيبـطي مـاركـــب لـه دنا
ونهــايته فـي غـرفـتن مـحشـوره=
سجن المـوبد والحكم ما استنا
وفـي ليبيا مـعــمر أعـلنها ثــوره=
الى الامــــــام وللـقـتال أعــلنا
زنـــقـه يـرددهـا عـلى جـمـهـوره=
هــذا يصفـق لـه وذا لـــه غـنا
يقـراء الـكتـاب وقـال ذا دسـتوره=
كــتابً أخــضــر فــيه إنـا وإنا
وهـجـم عـلى شـعبه وزاد غروره=
وخــلا الــمدافع كـلهـن يـرمـنا
وصـارت مـعارك بينهم مشهـوره=
هـذا قــتـيـل وذا كــسيـر يــونا
واليوم اشــوفـه منتكس بـأمـوره=
ماعـاد تـنفع لـو نـطـق هـــونا
وضـاقت عـليه ثـيابه المـجـروره=
مالـومـهـن والله لـــو ضـاقـنا
ولـقـوه متـخـبـي لـه بـمـاصــوره=
هـــذا يـــجـره جـر وهـذا يـقـنا
طـلـقه بـراسه وطلقـتن في زوره=
وقالوا له اشبع موت يامشغلنا
وقـفوا لـه الثـوار واطـفـوا نـوره=
أعــلامهم بعـد الـنصـر يـومـنا
وعـلى اليمن مـاهي بعد ميسوره=
زيــودهــا واحــزابــهــا ثــارنا
ريئس عـلي صـالح فعـل مقدوره=
ومشاكــل الاحــزاب مــايحـلـنا
حزبً يشيل أعلام وحزبً صوره=
وحـزبً يــقـول أرحل ولاتجننا
وقـامـوا عــليه ولعـوا بـشـبـوره=
يبـون مــوته والسـهـوم أخطنا
ومن بعـدها سـلم عـلى المعموره=
ســلـم مقــــاليد الــحكــم لمعـنا
وفـي ســوريا بشـار بـادي دوره=
قتــل وفـــتن يـــالله لاتـمحــنا
بـانت عـلومه وأنكشـف مستوره=
خـطـه خمينيه على أهل السنا
أكـبر عــوين أيـران طـلع جــوره=
حتى المســــاجد مــأيــبها تـبنا
جـمع جـيـوشـه للقــتل مـجبـوره=
حـتيـش لـو قـالـوا حــرام أهلنا
أغـلب ضـحايــاه الـقتل منحـوره=
والروس عـن اجـسادهن شالنا
وخـلا الشـبيحه تقتل بســاطـوره=
مـاتـرحم أطـفال وكــــبار السنا
الشـــام تـشكي جـعـلها ماجـوره=
وتصيح وسموع العرب يوحنا
يـــالله يـاربي جـعـلها منـصـوره=
ويــالله ياربي فزعتك وأرحمنا
عـليك في بشـــار وأطف شروره=
وامـسح دمــوع أراملن يبكنا
بـأمرك تخـلي شـوكـته مـكسوره=
أنت الامـــل ويدوم فــيك املـنا
طـهـر بـلادك والعـداء مدحـوره=
وأحفظ لنا دينك ويارب أكرمنا
وأحـفـظ لـنا داراً يشعـشع نـوره=
دار السعـــود ودمت ياموطــنا

غنام حمدان الحميداني المطيري