الوقت لف ودار مدري كيف لف وكيف دار = وأنا احسب إن الوقت ثابت مايلف ولايدور
اثر الزمن يمشي على خطن مثل خط القطار = والناس فالدنيا مسافرتن على رحلة عبور
ناس مشت على المسار وناس في عكس المسار = وانهاية الرحله بهم تحت الثراء قبر محفور
تلعب بنا الأيام والدنيا مثل لعب القمار = وتلفنا لف المراوح لستدارت بالسيور
والعمر مثل الليل مهما طال يقفاه النهار = عمرالبنادم ينطوي مثل الليالي والشهور
دنيا كفا الله شرها تمشي ولاتعرف قرار = كم عالم تصبح بهدنيا وتمسي فالقبور
كم آخذت ماميزت بين الصغار من الكبار = أحد تعشابه عشاء وأحد لها وجبة فطور
وكم فاجأت من غافل ماحط للموت إعتبار = همه يحسب كم يملك في حياته من قصور
مايدري إن الأجل جايله بعد طول إنتظار = ولياحضر مايمنعه عن صاحبه جاه الحضور
يالله يارب البشر ياخالق جنه ونار = ياعالم ماتخفي الأنفس وماوسط الصدور
يارب عفوك لارحلت من المنازل والديار = وتغفر ذنوبي كلها وأخطاي يالرب الغفور
رحمتك في يوم مايقبل به من العبد إعتذار = وإجعل لنا من نور وجهك في ضلام القبر نور
ويا الله تلهمنا الإجابه يوم طرح الإختبار = وعسى لساني ياإلآهي بالإجابه مايبور