منتديات الموازين الرسميه - سقى الله صبري / بقلمي

على سِلَّم المحبه وقفت باقدامي=وعلى رغبتي عشقتك بالعرض والطولي
ونظمت القصيد وخطته روس أقلامي=ومن شان حبك صغت انا القاف مجزولي
وعشر القصايد فيك من صافي انغامي=تغنيت لك فيها على العود وطبولي
وعلى الهاجس اللي بانين فيك احلامي=ياكم ليلةٍ زارك مع الطيف مرسولي
سهرت الليالي والعناء طول الأيامي=وانا هذي حالتي ولاشفت محصولي
أعد الليالي واصبحت عدة اعوامي=وانا اشوفني من تالي الوقت مهبولي
أنا ماذبحني منك غير التسلهامي=على هامش النظره كن السيف مسلولي
دخيلك دخيل الحب لاتنوي اعدامي=ترى الصد عقب الود ماهو بمعقولي
تنام الأوادم وانا سهران مانامي=بس اتابع الونات والدرب مجهولي
لاواعزتي للقلب ياناس منضامي=وانا صاحبي طول ولاشفت له زولي
سقى الله صبري وسقى حزمي الظامي=وسقى الله روح الحب من كل هملولي
ألا ليت خلي يلحق الحال بشمامي=ولو قدِّر اني متَّ انا منه مقتولي

الشاعر/ نايف الشويب