قـدح الـشـراره
 

السلام عليكم ورحمة الله وبركاته






اخواني الاعزاء اعضاء منتديات الموزاين والمشرفين القائمين على هذه المنتديات الطيب وبعد . .




حبيت انزل في منتداكم هذه السالفه البسيطه والابيات التي تحمل من المعاني القويه




بختصرلكم بالقصه ولاني مطول عليكم وهذه السالفه صارت قبل عام او عامين . .



في احدى المجالس في الكويت شباب من كل القبايل وكانو متجمعين ويتداور الحديث من بينهم



وتعرفون انتم كلن يمدح قبيلته ويفتخر بالقبيله حتى صارت الدعوه عنصريه وصارت بين اعيال العم



فا طرى شاعر من الشعار على سالفه قديمه ويقول حنى ذبحناكم وفعلنا وفعلنا وكان يقصد الشاعر . .



فا رد الشاعر بدر الكميهاني .:

لاهـنـت يالـي صـاب قـولـك عـذاريب . . . اخطيت في علم(ن)تبا الفكر ينصاه
وانكان ورع الطيب عنز على العيب . . . انـت ضلـمـت الـي خـبـط مـن تحداه


وواضح من ها البيتين انه لم يتطرف الي الكلام الي ماله داعي بل كفى الشر . .




ولاكن رد عليه شاعر من الشعراء . .

ترى الشراره تـنبت ابها الـلواهيب . . . وانت غشيم(ن) ماتكفر خاطياه
والطيب ماهو حول ذيك الاصاحيب . . . الطيب للي حاشم(ن)فعـل يـمناه
يوم(ن)ترميني سهـوم(ن) محاديب . . . واتخلي الدمعه تجي وسط جفناه
هذى جزا الي قدرك قدر ابوالشيب . . . واتقول انا الي خبط من تحداه



واعتقد انه بعد ها الابيات هذي يوضح انه من بينهم سالفه قديمه او مشكله صايره . . .



فا رد الشاعر الكميهاني عليه بعد انه ساقة الشراره النار . .

قدح الشراره ساقة النار يالذيب . . . وجاك الكلام الي غصب عنك تقراه
لاتحسب اني جاهل(ن)بالمكاتيب . . . عارف وش الي تقـصده جعـل تقفاه
انا ولد ذيب(ن)ومن نسل اشانيب . . . ارجال(ن)نوت في سلم المجد ترقاه
واعيال عود الطيب سد المطاليب . . . راع الشداد الـي مهـو بأنـت تـقناه
وانكانكم شلتو رجال(ن)مصاويب . . . نعـم وكـفـو للـقـرم مـحـد(ن) تعداه
لاكن خذها مـفـلـفـله دون ترتيب . . . بـيـت(ن) يـوفي والمعـاني تطراه
مابعد نار الطيب غير المعاطيب . . . تـالد رماد وبـالحـطـب يـنـتـثر ماه









وهذا الموضوع مقتبس من احدى المنتديات وحبيت اني انزله لكم وتعطوني رايكم . . .





وشكراًَ

رد: قـدح الـشـراره
 

كل القبائل فيها حقها من الطيب والردا

والابيات جميله جدا وخاص منها

رد : قـدح الـشـراره
 

لاهنت اخي العزيز راس الضلع


على هذا الرد الطيب منك


والله لايفرق شمل القبايل تحت راية الاسلام انشاء الله

رد: قـدح الـشـراره
 

بيض الله وجهك يا ذوي عون وبيض الله وجه الكميهاني فقد أفحم نده وبقوة ولكن سؤالي وانا أعتقد بأنني اطلعت على هذا من قبل هل كل هذه الأحداث حصلت في مجلس واحد؟؟

أم ان هناك صار فرقة وردود؟؟؟


تقبل مروري وشكري لكل ما خطه قلمك عزيزي الغالي

رد: رد : قـدح الـشـراره
 

وهذا انا اللي اريده مو تفرقة مجالس وبعدها ياصل الى الشراره وسب في القبائل ومدح في قبيلته
كل القبائل موحد لا فرق بين اعجمي ولا عربي
كلنا تحت راية الاسلام وال سعوود

رد: قـدح الـشـراره
 

لا هنت ياذوي عون ع القصه والابيات يالغالي

والله ونعم في كل القبايل

رد : قـدح الـشـراره
 

ووجهك يابن مصاول

وشاكرلك على الطله الطيبه هذي منك

اما بالنسبه على سؤالك لا اعلم شيء لان هذا الموضوع مقتبس من منتديات مطير ولا اعلم اي شيء عنه



وشاكرلك اخي العزيز مره اخرى




ولاتحرمنا من طلتك . . .

رد : قـدح الـشـراره
 

كلنا تحت راية الاسلام وال سعوود



8
8
8
8
8


صح لسانك ياشديد ولاهنت على هذا الرد الطيب منك





وشاكرلك

رد : قـدح الـشـراره
 

ولا انت اخي العزيز المهلكي

وشاكرلك على هذا الرد الطيب . . .

رد : قـدح الـشـراره
 

ونعم بالقبائل كلها ولاهنت يالذيب

وشكرا على الأبيات والقصه