|
أبن مصاول: القلوب الخضر ...موجهه لأبومقرن
هذه قصيدة قد نضمتها قبل فترة وموجهها لأبو مقرن ...وهي تعبر عن نفسها آسف إن لم ترتقي الى ذائقتكم:
يقولون القلوب الخضر ما تقدر على المزيون=وانا مالومهم لا شافوا المزيون فزوله؟ يعين الله هواوي القلب من حبه غدا مجنون=وصويب الحب مايبرا مادام النفس مجبوله اليا شفت الغزال اللي تبسمها دلع وفنون=يطير العقل من راسي واقول العقل وشهو له؟ يلومون العواذل كل من هو فالهوى مسجون=وجعل من لامهم يصبح ومنه الروح معلوله تذكرنا يا أبو مقرن زمان الحب والمضنون=وليال كلها قمرا نعيش الحب بسهوله ترى حب الوفا.. ماهو محبة وسطها ملكون=وترى بعض الأحبه قلوبهم قشرا ومنقوله تشوف اللي يتسلى بالعذارى كاذب ملسون=قلوب حايره وسط الطريق ودوم مشلوله وأنا اليا صرت أبا أتخير أبا آخذ جادل مقرون=خشوف قد تعدى حسنها في مجمل الدوله اليا صارت خدودٍ حمر وزايدها بياض سنون= وعيون الترف لا ناظر سيوف الهند مسلوله ومع طول أرقبتها صوتٍ يشابه أصيل لحون=ومن زايد ترفها وسطها قد زادت حموله عمرها في بحر عشرين أبد مابيهم يزيدون=ومنطقها عسل صافي لذيذ الطعم ماكوله وأبوها شيخ قومٍ دايمٍ في جانبه مصيون=حصان من ظهور اللي على المظهور كزوله تنومس من عشقها وصار أهو في حبها مفتون=واليا صارت تسولف تنثر الأطياب من حوله ويصير القلب في حب العذاري دايم مرهون=على وضح النقا دايم... نردد دوم ونقوله هذا يوم اننا كنا نحب وحبنا مجنون=محبه ساكنه وسط الفؤاد بعرضه وطوله ومن بعد الزواج أصبح فؤادي ساكن مرهون=وجزنا من هوا الغيد الحسان وهذا ما قوله طبعاً القصيده من البحر الطويل على لحن: ألا واشيب عيني يوم قالوا لي فمان الله**تحققت انهم من بعد لاماهم مقفيني هذه محاولة أرجو ان ترتقي الى ذائقتكم منقول من مجلس أبن مصاول تحت هذا الرابط http://www.almizany.com/showthread.php?t=814&page=12 |
رد : أبن مصاول: القلوب الخضر ...موجهه لأبومقرن
متى سويت هذه القصيده يابو ضيف الله زمان او هذه الايام
مجرد تطفل ليس الا .... |
رد : أبن مصاول: القلوب الخضر ...موجهه لأبومقرن
اقتباس:
فأنا نضمتها في نفس اليوم اللي كان فيه المداخلة في الرابط اعلاه فقد أتت هكذا في أقل من ساعه ونشرتها لكي أحمس أخوي أبومقرن ويرد عليها .. وهذه هي سالفتها ولم تكن قديمة بل في نفس وقت المشاركه يمكن فرقها عن توقيت المشاركة ساعة واحده. وأشكرك على سؤالك وهذا ليس بتطفل منك بل سؤال أخ لأخيه يعز عليه. |
رد : أبن مصاول: القلوب الخضر ...موجهه لأبومقرن
اقتباس:
فهمت يعطيك العافيه وسلامي الحــــار لابو مقرن |
رد : أبن مصاول: القلوب الخضر ...موجهه لأبومقرن
صح لسانك ابن مصاول
والى الامام في كتابة القصايد وانشاء نشوف قصايدك ع الفضائيات والمجلات وعقبال ماتكتب قصيده فالمنتدى واعضائه |
رد : أبن مصاول: القلوب الخضر ...موجهه لأبومقرن
حياك اخوي ابن حنين وصح بدنك وأشكرك على الإطراء وانا والله لست إلا ناضماً أما الشعر فيراد له تفرغ تام ومن ثم صور ومعاني كبيرة لا توجد إلا عند الشعراء اما أنا فلست إلا متذوقاً للشعر ومحباً له بسبب الوراثة ...
وهذه محاولة بسيطة بها بعض العيوب انا اعرفها ولكنها خرجت هكذا.. فلك الشكر ولاهنت على المرور أبن مصاول |
رد : أبن مصاول: القلوب الخضر ...موجهه لأبومقرن
[QUOTE=أبن مصاول;32915]هذه قصيدة قد نضمتها قبل فترة وموجهها لأبو مقرن ...وهي تعبر عن نفسها آسف إن لم ترتقي الى ذائقتكم:
وأنا اليا صرت أبا أتخير أبا آخذ جادل مقرون=خشوف قد تعدى حسنها في مجمل الدوله اليا صارت خدودٍ حمر وزايدها بياض سنون= وعيون الترف لا ناظر سيوف الهند مسلوله ومع طول أرقبتها صوتٍ يشابه أصيل لحون=ومن زايد ترفها وسطها قد زادت حموله عمرها في بحر عشرين أبد مابيهم يزيدون=ومنطقها عسل صافي لذيذ الطعم ماكوله وأبوها شيخ قومٍ دايمٍ في جانبه مصيون=حصان من ظهور اللي على المظهور كزوله تنومس من عشقها وصار أهو في حبها مفتون=واليا صارت تسولف تنثر الأطياب من حوله يعطيك العافيه أنشهد أنك شاعر يا أبن مصاول ماعلي من كلامك واصل تألقك |
رد : أبن مصاول: القلوب الخضر ...موجهه لأبومقرن
صح لسانك يابو ضيف الله
تقبل مروري وودي |
رد : أبن مصاول: القلوب الخضر ...موجهه لأبومقرن
صح لسانك يابو ضيف الله
|
| الساعة الآن 06:26 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
