منتديات الموازين الرسميه - ماني بثوب تلبسه ثم تمله ؟؟؟

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - ماني بثوب تلبسه ثم تمله ؟؟؟ (http://www.almouazeen.com/showthread.php?t=5330)

ماني بثوب تلبسه ثم تمله ؟؟؟

سو الي براسك ولاتذكر اسباب
لاصرت بايعني توكل على الله

مابيني وبينك مشاريه وعتاب
شف دربك الي جيت منه iiتدله

ماراح تغلبني لو الحب غلاب
من حضرتك عشان قلبي تذله

في ذمتي لجعلك عبره للاحباب
لين الخلي يتوب عن جرح خله

زلاتك الي مانفع فيها احساب
لاجيت اعددهن ثمانين زله

احرجتني بين القرايب والاحباب
كن الجفا سيف بوجهي تسله

ماكنت اقصر فيك من كثر الاعجاب
يومك تساوي عندي الكون كله

كنت القريب وكلهم كانوا اغراب
حتى القمر لاغاب شفتك محله

خلاص لاترجع ترا خاطري طاب
ابي طرا اللي كنت عايش بظله

رح واعتبرني واحد اذنب وتاب
ماني بثوب تلبسه ثم تمله

مايجتمع بالحب صادق وكذاب
رزقي على الله وانت رزقك على الله

كلمات ////عطاالله فرحان

رد : ماني بثوب تلبسه ثم تمله ؟؟؟

الله ..الله ..الله قمة الإبداع وصراحة قصيدة طالعه من قلب تحس صدق الشاعر فيها حتى لو كان قاسياً..

صح لسان الشاعر عطالله فرحان وأشكر لك نقلك المميز اخي شديد

رد : ماني بثوب تلبسه ثم تمله ؟؟؟

تسلم ياشديد على القصيدة ودائما مبدع في أختيار القصائد
وتقبل تحياتي