منتديات الموازين الرسميه

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - ماهو بودي (http://www.almouazeen.com/showthread.php?t=5483)

ماهو بودي

ماهوبودي اضيق خاطرك ساعه=في ذمتي يابعد عمري ماهو ودي
لكن شاعرك وقته يلوي ذراعه=الوقت ضدي بعض الناس جو ضدي
ماني بمن يشكي همومه واوجاعه=للناس بس الليالي بيحت سدي
طوعني الوقت مانفسي بمطواعه=كأن الايام تضربني على خدي
واقلبي اللي غدا للحزن شماعه=ماعاد احسب وش اخلي وش ابدي
الحب والناس والاخلاص والطاعه= شلون اكسبها وهي ماهيب في يدي
ماهو بذنبي لاوقتي شانت اطباعه=الذنب ذنب الزمان اللي وقف ضدي
بصبر ولو الزمان يأشر اصباعه=وابي آتبسم لوإني واصل ن حدي

رد : ماهو بودي

ماهوبودي اضيق خاطرك ساعـه= في ذمتي يابعد عمري ماهـو ودي
لكن شاعرك وقته يلـوي ذراعـه=الوقت ضدي و بعض الناس جو ضدي
ماني بمن يشكي همومه واوجاعه=للناس بس الليالي بيحـت سـدي

الله ...الأبيات اعلاه قمه وروعه ويتجلى فيها تمكن الشاعر من الصور والتناغم الموسيقي للأبيات

اقتباس:

لكن شاعرك وقته يلـوي ذراعـه

هذا الشطر فيه صورة رائعه تدل على ان موهبتك تنصقل يوماً بعد يوم

لكن شاعرك وقته يلـوي ذراعـه=الوقت ضدي و بعض الناس جو ضدي

أظفت الواو لعله سقط سهواً لكي لا يكسر البيت

اقتباس:

الحب والناس والاخلاص والطاعه=شلون اكسبها وهي ماهيب في يدي
ماهو بذنبي لاوقتي شانت اطباعـه=الذنب ذنب الزمان اللي وقف ضدي

البيتين اعلاه يراد لهما إعادة غربله لأنهما اما فاقدا بعض الحروف أو خلل في الوزن...وخاصة في العجز في البيت الأول وفي الصدر في البيت الثاني

القصيدة في مجملها جميلة ويسعدنا أن تبث إنتاجك من خلال منتداك منتدى الموازين...

اخوك ابن مصاول

رد : ماهو بودي

بن مصاول شكرا لمرورك الراقي

وكم يسعدني ويشرفني توقفك هنا

وانت استاذ يا بن مصاول واستفيد منك

اما بالنسبه للواو سقط سهوا مثل ماتفضلت

والله لايهينك و شكرا مدد لاعدد

رد : ماهو بودي

تســلـم أخوي علــى آلآبيـآتٍ الرآئــعه لآهنــت وتقبـــل تحيآتيْ

رد : ماهو بودي

شكرا ذيب الروسان

لك وافر التحايا ولاهنت

رد : ماهو بودي

صح لسانك على هالقصيدة

وووووووووووووووينك يارجل مبطي ماشفناك