منتديات الموازين الرسميه - قصيدة وردها بين محمد بن سند بن مدلج وبدر بن ضيف الله بن زراق بن مدلج

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

قصيدة وردها بين محمد بن سند بن مدلج وبدر بن ضيف الله بن زراق بن مدلج

في البداية تلقيت القصيدتين اليوم عن طريق الجوال حيث أرسلها لي أحد بنيخي فأحببت أن اظيفها هنا لجمالها وقوتها وفي البداية أريد ان اعرف بالشاعرين:
الشاعر محمد بن سند هو أبن الشاعر والفارس المشهور المرحوم بإذن الله سند بن مصاول بن بن بخيتان بن مدلج شاعر مجيد وله قصائد وجدانية و رديات بينه وبين بعض الشعراء .

وبدر هو أبن الشاعر الكبير وشاعر المدالجة المرحوم بإذن الله تعالى ضيف الله بن زراق بن مصاول وكما (يقال: من شابه أباه فما ظلم) وهو راوية تاريخ ذوي ميزان للتأريخ الشفوي ويمتلك إرث كبير من المعلومات التي تخص الموازين وتأريخهم الحديث والقديم ويعتبر مرجعاً مهماً ومرجحاً لكثير من الروايات له قصائد كثيرة ولكنه دائماً يتحفظ على نشرها ونحن من هذا المنبر ندعوه ليخرج ما بجعبته لكي لا تبقى قصائده حبيسة الأوراق وهي تستحق النشر والقراءة.

والآن مع القصيدة وردها:

قال محمد بن سند بن مدلج
هذه القصيدة وهي عباره عن تأييد ودعم لبناخيه بدر ضيف لله بن مدلج لمواقفه الثابته والصادقة والشجاعه

يابدر زل الطيب بالطيب شره= ترى فراش الطيب مابه عذاريب
وثوب الرجوله مع هل الطيب زره=وكمل فعول الطيب يامنهل الطيب
ولايصير لك حول المناقيد جره=واحرص على نفسك وخلك كما الذيب
هذي نصيحة والد لك مبره=يباك تبدي عاليات المراقيب
والطيب حنا يالسنافي مقره=حنا مقر الطيب وحنا هل الطيب
كم واحد من طيبنا زاد حره=يمسي ويصبح في ضميره لواهيب
ومع غيضه اللي زاد نسقيه مره=لين يتجرع مع شرابه دغاليب
نسطي عليه ليا بلانا بشره=ليا صار ماله من ورانا مطاليب
ليا نوانا بالمضره نضره=والطيب ماجاله قضاه ومناصيب
والشر بفعول الردى مانجره =ولانتبع المقفي بشذب العراقيب
وترى ضعيف الناع مابه مسره=عند اللوازم من حساب الخراعيب
عزمه ردي وافكار راسه تغره=ما ينطحونه فاعلين المواجيب
والجار حنا ما نبيح بسره=والله جعل للجار حق ومواجيب
والضيف من زين المعاوش نبره=ونكمل الواجب بلين وتراحيب

رد عليه الشاعر : بدر ضيف الله بن مدلج بهذه القصيده وهي تعبر عما فيها من قوة المعنى وجزالة الألفاظ والى الأمام يابو عبد الملك..ويقول فيها:

ياخال قلبي كل هاجوس فره=يومنها كثرت علي الهناديب.
كثرت علي وطفت نهر المجره=وغصت البحور ومظلمات الغياهيب.
وأخذت من بحر المعاني ودره=مثايل كاللول وصف وتراكيب.
ماصاغها الصايغ ببحره وبره=ولا احد جلبها يم سوق الجلاليب.
مثايل مثل النهر مستمره=من منهل صافي وعذب المشاريب.
لوتنزفه كل العرب زاد دره=درير بِكرٍ للحلا به تذاويب.
والشعرلو هو من جلاميد حره=أصلاه لين أذوب القاف تذويب.
نضفي ستار وستر ناس نقره=وحنا نهجر العيب واهل الذواريب.
نمشي عدال بوطية مستقره=ونطلع طلوع اللي كفوفه مخاليب.
بحكمة وحزم ورايه مشمخره=ماهزها عاصوف ولا هباهيب.
وليا صلبنا الراي ماحدن يفره=مقررينه مايجي فيه تعقيب.
وحنا فرشنا الطيب في كل مره=والطيب ندرك مدته والمجاذيب.
والطيب للي يستحقه نقره=ماهوب لنا عن طوال الاشانيب.
ولايدرك الحساد لو ربع ذره=منا ولايلحق مدانا بتقريب.
خطو الحسود اللي يبا الصيد غره=يعد غرات العرب له مكاسيب.
مايدري أن دواه حنا نذره=ونحط من فوق العراقي مصاليب.
راع الردى لوقال حكيه نصره=ونزود المعنى بشر وعواقيب.
دام السبايب للمنايا تجره=لياحان وقته عارفين المضاريب.
لاجا نهار فيه فره وكره=نظهر وممشا الغير معنا تهاذيب.
بمواقف قدم المناعير حره=تشهد لها الأجناب قدم الاصاحيب.
كسر اعتبار ونكبه للمكره=أهل الحسد واهل الحكي والأكاذيب.
ولو جاك مهذار وهرجه يثره=ماكل رمح ينثر الدم ويصيب.

(وسلامتكم)

أبن مصاول