منتديات الموازين الرسميه - من يوم جاني الخبر تعبان..

منتديات الموازين الرسميه (http://www.almouazeen.com/index.php)

- قسم القصة والقصيدة (http://www.almouazeen.com/forumdisplay.php?f=20)

- - من يوم جاني الخبر تعبان.. (http://www.almouazeen.com/showthread.php?t=5647)

من يوم جاني الخبر تعبان..

أخي الشاعر الظريف جدا ( نايف علي البديري ) نوى المسيار عليَّ وجاء إلى الحارة وكنت قد ذهبت إلى السوق , المهم الرجال طق الباب ومافتح أحد . وأرسل هذه الأبيات :

نويت اسير على حمدان . . . . . . . يوم(ن) حمدان ماجاني
وصلت بيته وأنا شفقان . . . . . . . وحذفت بابه بحصياني
طلع لي ورع(ن) من الجيران . . . . . . يقول تراك غلطاني
حمدان فارس ابن ميزان . . . . . . . بيته على الشارع الثاني
عودت من طرقتي خسران . . . . . . . ورجعت للبيت تعباني

وصلتني الأبيات وأنا في السوق , فاتصلت عليه وقلت له : أرجع وأنا جايك الحين أنا في السوق . قال : خلاص ما عاد أنا راجع . وقفل السماعه وسوى نفسه زعلان : فأرسلت له :

يابو علي يا عظيم الشان . . . . . يابعد أهلي وجيراني
أنا على شوفتك شفقان . . . . . من قدم ماجيت غلطاني
طلعت للسوق بالبزران . . . . . ورجعت لا شك طفراني
قالوا : مطوع وبالحصيان . . . . . يضرب على الباب بجناني
والمشكلة خوف الورعان . . . . . من قو ضربه بحصياني
ويقول : وين أنت يا حمدان؟؟ . . . . . تراي عاني وتعباني
قلت : ادمحو زلة الغلطان . . . . . اللي لف طارش(ن) عاني
من يوم جاني الخبر تعبان . . . . . ودمعي على الخد هتاني