منتديات الموازين الرسميه - للشاعره فتاة الوشم حين رأت المتخنفسين من الشباب تقول :

منتديات الموازين الرسميه (http://www.almouazeen.com/index.php)

- أخبار الشعراء (لغير شعراء الموازين) (http://www.almouazeen.com/forumdisplay.php?f=57)

للشاعره فتاة الوشم حين رأت المتخنفسين من الشباب تقول :


	مناسبة هذه القصيده قديمه للشاعره فتاة الوشم حين رأت المتخنفسين من الشباب تقول : ياناس عينى مـن الموعـات مذعـوره=ونفسى عيال الفلـس جابـوا حضايبهـا وقلبى يزوم الزعل والكبـد ممـروره= حسيت باللـى عيوبـه مايحـس أبهـا لقيتلى رجل وفيه من المـره صـوره=يمشى علـى العيـب نفسـه مايعاتبهـا يوم يتمخطـر يقلـد مشـى غنـدوره =عن مشيـة الرجـل للخفـرات يقلبهـا قلته وأنا من شباب اليـوم مقهـوره =كيـف الحمايـل تجنـب عـن مذاهبهـا يابنت شومى عن اللى يمشط شعـوره=ويميـل بالكعـب ووروكــه يهزبـهـا ليته لبس له بلوزة من فـوق تنـوره=يـوم المناقيـد مايـدرى وش عواقبهـا أهل الخنافس غـدو لآبطالنـا عـوره =ياكيـف نـجـد يتمـشـون بمناكبـهـا شباب ياللى عليـك السـود منشـوره=أرفـع مـقـام الرجـولـه لاتخربـهـا ترى الشجاعه لجيش صـف طابـوره=نقـالـة البندقـيـه مــع مقاضبـهـا جيش بهم دارهـم تفخـر ومنصـوره.=دونـه عمـار علـى الآعمـار يجلبهـا عاشوا حماة الوطن من عهد أخو نوره.= درع الجزيـره الياشبـت حرايبـهـا

رد : للشاعره فتاة الوشم حين رأت المتخنفسين من الشباب تقول :


	يا بنت شـوقك جاك معه الغنايم كـاش * الى جـا من الديره مخابـيه مشحونه إلى حسب اللي حصله من نهاره شاش * يحسب المراجل نفـعة اللي يـمدونه وانا حالفه لو هو عشيري عنه لا نحاش * ما أريد الجبان اللي من الخير يعطونه ما أريد الجبان اللي معاشه يجي ببلاش * ردي العزايم طايح مع هل الشونه انا يوم أشوف اهل النفوس الضعاف أنداش * الى شفتهم راع الطفايس يديرونه رعى الله شوق سابح في بحـور الـطاش * تصافق به الامواج والبعد من دونه رفيع المقام اللي بسوق الشحذ ما عاش * فدا للوطن نفسه مع الجيش مفتونه عشيري على الحاجز يمينه على الرشاش * تلقى لهيب النار يرمي ويرمونه مع ابطالنا اللي باللـقا يـبردون الجـاش * حماة الوطن يـاكم عـدو يضـدونه

رد : للشاعره فتاة الوشم حين رأت المتخنفسين من الشباب تقول :

صح لسان فتاة الوشم (هيا العتيبي) وأحسنت في النقل اخي أبو راكان وهذه الشاعرة قد رد عليها شاعر المدالجة الكبير ضيف الله بن زراق بن مدلج بقصيدة رائعه تحت هذا الرابط

http://www.almizany.com/showthread.php?t=1160

وأما قصيدتها التي تقول في آخرها :

عشيري على الحاجز يمينه على الرشاش=تلقى لهيب النار يرمي ويرمونه
مع ابطالنا اللي باللـقا يـبردون الجـاش=حماة الوطن يـاكم عـدو يضـدونه

فصراحة رائعه وتستحق الوقوف عندها كثيراً

أشكر لك نقل الرائع ولا هنت

أبن مصاول