سير لأبو متعب ترى الباب مفتوح =سير عليه وخل صكاك بابه
مالك بدار مغلق الباب مصلوح=خل الردي جعله يغثر شبابه
ياللي تصك الباب مانته بمسموح=وش بك تصك الباب دون القرابه
ليا صار ما عندك تماثيل ومزوح=يلقا بدالك واحدٍ ينهقا به
يضرنا وهوه عزيزٍ على الروح=وحنا نحب اللي عزيزٍ جنابه
وأنا عن الرديان منذر ومنصوح=ومن لا يعرف العلم ماله مهابه
وعلى ماقال أحنيف الأمثال بوضوح:=من يقرب الخنزير يطمل ثيابه
وأنا ترايه لأكثر الناس ما روح=في خاطري بعض المجالس عيابه
والشاهد الموثوق ماهوب مجروح=ولا خير فاللي ما يصدق جوابه
أقفى زمانٍ فيه ذابح ومذبوح=وراع الشجاعه فيه يحسب حسابه
وأقبل زمانٍ كل ما فيه مملوح=مملوح لو أنه كثيرٍ خرابه
فيه العيون الصاحيه تعتبر لوح=والسيف صارت سلته هي نصابه

المشاركة الأصلية كتبت بواسطة الحسام (المشاركة 37782) وأقبل زمانٍ كل مـا فيـه مملـوح مملـوح لـو أنـه كثيـرٍ خرابـه فيه العيون الصاحيـه تعتبـر لـوح والسيف صارت سلته هي نصابـه تفصيل عجيب لهذا الزمن وحكمة عظيمة لا تصدر إلا من حكيم وصاحب تجربة عظيمة رحم الله ابو عبدالله .

المشاركة الأصلية كتبت بواسطة عربي (المشاركة 37805) وأنا عن الرديان منـذر ومنصـوح ومن لا يعرف العلـم مالـه مهابـه وعلى ماقال أحنيف الأمثال بوضوح: من يقرب الخنزيـر يطمـل ثيابـه سلمت يمنيك يا بو ضيف الله ورحمه الله على ابو عبد الله

المشاركة الأصلية كتبت بواسطة [ حطموك‘ياقلبــي ] (المشاركة 37840) . . لله لله تذوقة [ هنا ] شعــر بمعنـى لـ كلمهُ رحمه لله الشاعر وأطال في عمــر الملك ..! أبن مصاول .، لاهنت يالغالي على الطرح لك ودي . .

الله يرحمه ويسكنه جناته

ونعم بكم يا المدالجه خوالي ويعطيك العافيه ابن مصاول

اشكرك بعنف