ماعاد انا مشتاق ولاانت مشتاق
انا رقدت البارحه وانت ممسيت

هذا انت دايم تقلب الصحبه خناق
ودايم تتغلى ولا انا ماتغليت

صح انك اللي لذة وصاله فراق
وصح انك اللي كل مارحت ماجيت

ولكني احبك ومن كثر مانساق
اشوفك بصوتك اليااقبلت واقفيت

بتدق ولاترى ماني بداق
انا لواني الي مزعلك دقيت

تعوذ من ابليس وتزين بالاخلاق
وتلفن وحاذر لاأتلفن من البيت

شغل جهازك واشحنه بعد الاغلاق
ودق لجهازي واعمل كلوزلليت

خل اتصالي يقول مشتاق مشتاق
والذبذبات تقول مليت مليت