من بنات الريح لي صفرا جفول =كنها ظبي الفلا بجفالها
منوة الخيال عساف الخيول=زينها في دقها وجلالها
زينها ماشفت وصفه بالمثول=ألله اللي بالجمال اصخى لها
تستذير كحيلتي من كل زول=ما يصخرها سوى خيالها
اذكر الله كل ماقامت تجول=واحمد الله خصني بحبالها
كنها تمشي على قرع الطبول=فتنة اللي خافقه يبرى لها
ظافي القصه على الطرف الخجول=تنكسر شمس العصر بظلالها
وصفها وصف السحاب اللي يجول=كل عين تستخيل خيالها
أو كما طاري على الخاطر عجول=صاحبه حقيقته ماطالها
كل رجلٍ في حياته له ميول=والهوايه تمتلك رّجالها

المشاركة الأصلية كتبت بواسطة ريم مطير (المشاركة 44594) صوور مره جميله حفظتهم عندي احوس فيهم كم تصميم ^_^